«Jon choć u kursie, što staŭ zorkaj?» Rolik z «sumnym čmialom» ź Minskaha cyrka za sutki nabraŭ amal 2 miljony prahladaŭ
Karotki rolik, źniaty kala Biełdziaržcyrka na praśpiekcie Niezaležnaści ŭ Minsku, staŭ virusnym u tyktoku i za sutki nabraŭ amal 2 miljony prahladaŭ, 144 tysiačy łajkaŭ i amal 2 tysiačy kamientaryjaŭ. I ŭsio heta dziakujučy hałoŭnamu hieroju videa, jaki adrazu ž staŭ novaj «sumnaj zorkaj interneta», piša Telegraf.news.
Na videa, jakoje aŭtar źniaŭ na piešachodnym pierachodzie kala budynka Biełdziaržcyrka, trapiŭ mužčyna, jaki, vidavočna, pracuje dziciačym animataram. Jon byŭ apranuty ŭ kaścium pčały z charakternymi žoŭta-čornymi pałosami, a ŭ rukach trymaŭ źviazku jarkich pavietranych šaroŭ. Uvieś hety vobraz, jak adznačyli hledačy ŭ sietcy, mocna kantrastavaŭ ź jahonym sumnym vyrazam tvaru.
Pakul adnyja kamientatary spračalisia ź inšymi, chto pierad imi — «sumny čmiel», «surovy vos», «depresiŭnaja pčała» i ŭ čym pryčyna jaho «suśvietnaha smutku» — nizki zarobak, niezadavolenaść pracaj ci rezkaje pachaładańnie ŭ Minsku, adzin z hledačoŭ paznaŭ u hieroi «čmiala Juru».
«Jon pracuje ŭ parku Horkaha! I śmiajecca vielmi zaraźliva!» — raskazaŭ kamientatar.
Jak by tam ni było, mužčyna svaim kantrastnym vobrazam uzbudziŭ sacyjalnyja sietki, i nie vyklučana, što «sumny čmiel» ź Minskaha cyrka chutka papoŭnić šerahi virusnych internet-miemaŭ.
«A jon choć u kursie, što staŭ sumnaj zorkaj-pčałoj u internecie?» — zadaŭsia hetym pytańniem adzin z kamientataraŭ.
Biełarusy pakazali ŭ tyktoku, jak źbirajuć na aharodzie ŭradžaj arachisu
«Raz — i zachodziš čystym». Minčuki pakazali samarobnuju pryładu, jakaja dapamahaje pazbavicca ad brudu pierad uvachodam u padjezd
U Minsku pryhatavali biaspłatnaje 30-mietrovaje buryta
Amierykanca nakarmili biełaruskimi «dalikatesami». Jaho paškadavali navat biełarusy
Ciapier čytajuć
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary
It's obvious !