Prodažy aŭtamabilaŭ i elektramabilaŭ u Biełarusi bjuć histaryčnyja rekordy
Popyt na lehkavyja aŭtamabili ŭ Biełarusi sioleta imkliva raście, raskazali na pres-kanfierencyi Biełaruskaj asacyjacyi aŭtamabilaŭ (BAA), piša av.by.
«U studzieni hetaha hoda ahučvaŭsia prahnoz, jaki praduhledžvaŭ rost prodažaŭ na 25% i vychad rynku na adznaku ŭ amal 27 000 pradadzienych novych aŭto. Adnak hety ŭzrovień byŭ dasiahnuty ŭžo pa vynikach minułych 8 miesiacaŭ», — adznačyŭ na pres-kanfierencyi staršynia praŭleńnia BAA Siarhiej Varyvoda.
Pavodle jaho słoŭ, tolki za leta 2024-ha pradadzieny 13 061 ekzemplar. Pry hetym kolkaść madelaŭ, jakija aficyjna realizujucca ŭ krainie, składaje 91, ź jakich 12 — elektramabili. Jak padkreśliŭ Varyvoda, «asnova našaha rynku — heta aŭtamabili, što vyrablajucca ŭ krainie».
Tamu prahnoz pierahledzieli ŭ bok pavieličeńnia: da 47 000 — 48 000 pradadzienych aŭtamabilaŭ.
«Kali […] hety pakazčyk budzie dasiahnuty, to my atrymajem biesprecedentny rost prodažaŭ za ŭsiu bolš čym 20-hadovuju historyju asacyjacyi, a mienavita 115% (abo bolš čym u dva razy)», — padkreśliŭ Siarhiej Varyvoda.
Prodažy elektratranspartu jašče bolš ździŭlajuć: jany dasiahnuli dziesiacirazovaha ŭzroŭniu adnosna adznaki minułaha hoda. Dola prodažu takich mašyn siarod usich lehkavikoŭ skłała 5,86% (pavodle danych za 10 miesiacaŭ 2024 hoda). Dla paraŭnańnia, u 2023 hodzie hety pakazčyk byŭ 1,93%.
Prytym dla 2025 hoda čakajecca, što hetaja dola moža vyraści da 25%, a kolkaść madelaŭ elektryčnych lehkavych aŭtamabilaŭ dasiahnie 30 najmieńniaŭ.
U Varšavie inšaziemcy stajali načami ŭ čarzie, kab zarehistravać aŭtamabil. Biełarus spaźniŭsia na adzin dzień i straciŭ hrošy
Kolkaść aŭtobusaŭ na polskaj miažy znoŭ mocna pamienšała
Dyziel moža pieramahčy elektramabili? Jak jeŭrapiejski aŭtapram akazaŭsia na miažy kryzisu
U Hiermanii try čałavieki atrymali realnyja terminy za ekspart luksovych aŭto praź Biełaruś u Rasiju
Kamientary
Biedziem, chto nia słuchajecca deputackaje pastanovy, ličyć impercami-zabrudžalnikami asiarodździa