Muziej vypadkova vykinuŭ tvor mastactva. Jak jaho zbłytali sa śmiećciem?
Rabotnik niderłandskaha muzieja pierabłytaŭ sučasny art-abjekt sa śmiećciem i vykinuŭ jaho. Havorka idzie ab pracy francuzskaha mastaka Alaksandra Łavie pad nazvaj «Usie dobryja časy, što my praviali razam», jakuju vystavili ŭ muziei «Łama» ŭ Lisi, piša Bi-bi-si.
Na pieršy pohlad, ekspazicyja vyhladaje jak dźvie pakamiečanyja blašanki z-pad piva. Adnak na samaj spravie ich staranna raśpisali akryłavymi farbami ŭručnuju.
Raśpisanyja blašanki vystavili ŭ šklanoj šachcie lifta tak, byccam ich pakinuli tam padčas budaŭnictva.
Miechanik, jaki pracuje ŭ muziei, vyrašyŭ, što heta «reštki tvorčaści» lanivych naviedvalnikaŭ, i vykinuŭ ich u śmiećcievaje viadro.
Źniknieńnie zaŭvažyła kuratar Elisa van den Bierh, jakaja viarnułasia paśla karotkaha pierapynku. Tamu ŭsim rabotnikam daručyli nieadkładna zaniacca ich pošukam, raspaviali na sajcie muzieja.
Blašanki vyciahnuli sa śmiećcievaha pakieta ŭ apošni momant, kali ich užo źbiralisia vykinuć.
«Ciapier my raźmiaścili pracu ŭ bolš tradycyjnym miescy na pastamiencie, kab jana mahła adpačyć paśla svajoj pryhody», — raspaviała pradstaŭnica muzieja Frukje Badzinh.
Niahledziačy na niespadziavanku, u muziei zapeŭnili, što «nie adčuvajuć nijakich kryŭdaŭ adnosna miechanika, jaki padmianiaŭ čałavieka, dobra znajomaha z muziejem i jaho ekspanatami».
«Tema našaj kalekcyi — ježa i spažyvańnie, — tłumačyć dyrektar Sietsku van Zanten. — Naša mastactva padachvočvaje naviedvalnikaŭ bačyć paŭsiadzionnyja pradmiety ŭ novym śviatle».
«Vystaŭlajučy tvory mastactva ŭ niečakanych miescach, my ŭzmacniajem hetaje ŭražańnie», — dadaje Van Zanten.
«Tamu blašanki naŭrad ci doŭha prastajać na svaim tradycyjnym pastamiencie, — dadała Frukje Badzinh. — Nam treba dobra padumać, kudy ich pastavić nastupnym razam».
Heta nie pieršy padobny vypadak, piša Guardian. U 2023 hodzie naviedvalnik źjeŭ banan, jaki byŭ prymacavany da ściany ŭ ramkach instalacyi italjanskaha mastaka Maŭrycya Katełana ŭ halerei Sieuła.
U 2011 hodzie praźmierna ruplivaja prybiralščyca sapsavała instalacyju mastaka Marcina Kipienbierhiera koštam 690 000 funtaŭ sterlinhaŭ u Hiermanii. Jana zmyła ź jaje płast pavucińnia, pryniaŭšy jaho za zvyčajny brud.
Ciapier čytajuć
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna12
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary