U Biełarusi pačała dziejničać zabarona na ŭvoz tavaraŭ z «niedružalubnych krain». Pieralik jašče 28 žniŭnia pašyryŭ premjer-ministr Raman Hałoŭčanka, a 15 kastryčnika pastanova ŭstupiła ŭ siłu.
Ciapier u Biełaruś nielha ŭvozić z peŭnych krain polietylen vysokaha cisku, šynnuju pradukcyju, plity OSB, fanieru, stalarskija i ciaślarskija vyraby, sanitarna-hihijeničnyja, papieru i kardon, u tym liku hafryravanyja, ryźzio, škłovałakno, uklučajučy škłavatu, nahadvaje Tochka.by.
Taksama staŭ dziejničać pieralik zabaronienych tavaraŭ z Polščy, Čechii, Litvy, Łatvii i Estonii.
U śpis trapili:
- sumki i valizki
- špalery
- plitka kieramičnaja
- sanitarna-techničnyja vyraby
- chaładzilniki
- marazilniki i inšaje chaładzilnaje abo marazilnaje abstalavańnie
- pralnyja mašyny
- padhuźniki i pialonki.
Padpisanaja pastanova, jak udakładnili va ŭradzie, — miera ŭ adkaz na pryniatyja Jeŭrapiejskim sajuzam pastanovy ab pašyreńni z 1 lipienia 2024 hoda sankcyj u dačynieńni da Biełarusi.
***
U krasaviku 2022 hoda ŭrad zaćvierdziŭ «śpis niedružalubnych krain». U jaho ŭvajšli Aŭstralija, pradstaŭniki Jeŭrasajuza, Kanada, Lichtenštejn, Narviehija, Novaja Ziełandyja, Ałbanija, Isłandyja, Paŭnočnaja Makiedonija, Vialikabrytanija, ZŠA, Čarnahoryja i Šviejcaryja.
Saŭmin nieadnarazova zabaraniaŭ pastaŭki mnohich tavaraŭ z hetych dziaržaŭ. Da prykładu, 8 žniŭnia 2024 hoda ŭ pieralik unieśli žyvych śviniej, rahatuju žyviołu, małako i małočnuju pradukcyju, bulbu, repčatuju cybulu, śviežuju biełakačannuju kapustu, morkvu, buraki, arechi, jabłyki, marharyn.
Tudy ž dadali i niecharčovyja tavary. U ich liku apynulisia cemient, minieralnyja, chimičnyja i azotnyja ŭhnajeńni, stałovy i kuchonny posud.
Azaronak napisaŭ pra palitemihranta — paśla hetaha brata i baćku taho kinuli za kraty2
Azaronak napisaŭ pra palitemihranta — paśla hetaha brata i baćku taho kinuli za kraty
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie66
Kamientary