Ujazdžajuć z 49 krain. Pamiežnaja słužba Polščy apisała nielehalnuju mihracyju na miažy ź Biełaruśsiu
Z pačatku 2024 hoda pamiežnaja słužba Polščy zarehistravała bolš za 27 tysiač sprobaŭ nielehalnaha pierachodu miažy z boku Biełarusi.
U viedamstvie čakajuć, što da kanca hoda pa hetym pakazčyku moža być pabity rekord. Pra situacyju na miažy Biełaruskaj słužbie Polskaha radyjo raspavioŭ staršy charunžy pres-słužby Padlaskaha adździaleńnia pamiežnaj słužby Michał Bura. Most koratka pryvodzić jaho infarmacyju.
Pa słovach Bury, u hetym hodzie ŭ Polšču nielehalna sprabavali trapić hramadzianie 49 krain. Heta nie tolki dobra asvojenyja napramki nielehalnaj mihracyi nakštałt Afhanistana, Siryi, Iraka,
ale i dosyć ekzatyčnyja — Kamorskija vyspy, Burkina-Faso, Papua-Novaja Hvinieja.
Niekatoryja mihranty, pa vyrazie Bury, pryjazdžajuć u Rasiju ci Biełaruś «zusim śviežymi», heta značyć naŭprost sa svajoj krainy. Ale taksama jość vialikaja hrupa ludziej, jakija na praciahu mnohich hadoŭ lehalna žyli ŭ Rasii.
Ich meta — Zachodniaja Jeŭropa.
Pavodle źviestak Bury, bolš za 90% mihrantaŭ, jakija trapili ŭ krainu nielehalna, nie zastajucca ŭ Polščy.
Tamu dla transparciroŭki patrebna raźvitaja sietka kurjeraŭ. Tolki sioleta ŭ Polščy zatrymali 307 pamahatych i arhanizataraŭ nielehalnaj mihracyi. Ich zadačaj była pieravozka mihrantaŭ na aŭtamabilach u Zachodniuju Jeŭropu.
— Možna skazać, što heta ŭžo arhanizacyja z takoj mafijoznaj strukturaj, — adznačyŭ Bura.
90% mihrantaŭ — maładyja mužčyny. Žančyny i siemji ź dziećmi, pa nazirańni Bury, źjaŭlajucca na miažy vielmi redka.
Ciapier čytajuć
«My nie viedali Siarhieja Cichanoŭskaha da siońniašniaj pres-kanfierencyi»17
Kamientary