U Homieli razhladajuć čarhovuju karupcyjnuju spravu. Z apublikavanaj infarmacyi možna mierkavać, što abvinavačany Anatol Mitrachovič pracavaŭ kiraŭnikom na «Homsielmašy», piša «Fłahštok».
U sudzie Centralnaha rajona Homiela prachodzić razhlad kryminalnaj spravy ŭ dačynieńni da Mitrachoviča Anatola Adamaviča. Mužčyna abvinavačvajecca pa art. 430 č. 2 KK RB «Atrymańnie chabaru». Maksimalnaje pakarańnie, jakoje pahražaje abvinavačanamu, — 10 hadoŭ pazbaŭleńnia voli.
Anatol Adamavič Mitrachovič źjaŭlajecca poŭnym ciozkam byłoha hałoŭnaha technołaha zavoda samachodnych kambajnaŭ AAT «Homsielmaš». Spałučeńnie davoli redkich imia pa baćku i proźvišča pakazvajuć, što pad sud trapiŭ mienavita były kiraŭnik zavoda, piša «Fłahštok».
Hod tamu Anatola Mitrachoviča z pašanaj adpravili na piensiju. Vieteran «Homsielmaša» prapracavaŭ na zavodzie 52 hady. Jamu było prysvojena zvańnie «Hanarovaha homsielmašaŭca».
Hałoŭnym technołaham zavoda samachodnych kambajnaŭ Mitrachovič staŭ jašče ŭ 1989 hodzie. Apošnija try hady jon zajmaŭ pasadu viadučaha śpiecyjalista va ŭpraŭleńni hałoŭnaha technołaha.
Sudovy praces za atrymańnie chabaru praz hod paśla vychadu na piensiju moža śviedčyć pra toje, što śledčyja rasśledujuć dziejnaść eks-kiraŭnika ŭ papiarednija hady.
Łukašenka: My hatovyja zaklučyć vialikuju ździełku z ZŠA70
Kamientary