Šrajbman nazvaŭ krainy, jakija mahli b vieści pieramovy z Łukašenkam
Analityk miarkuje, što ES takija pieramovy vieści nie stanie.
U novym vypusku tok-šou «Hadzińničak cikaje» siarod inšaha abmiarkoŭvałasia pytańnie, chto na Zachadzie hatovy byŭ by razmaŭlać z režymam.
«Pry ŭsioj pavazie da ES, hety subjekt my možam vynosić za dužki. Brusel — heta nie subjekt, jaki budzie z Łukašenkam vieści pieramovy vakoł i paśla hetych vybaraŭ», — vykazaŭ svajo mierkavańnie analityk Arciom Šrajbman.
Jak jon patłumačyŭ, heta niemahčyma biurakratyčna:
«U ciabie nadta šmat unutry krain, jakim plavać na Biełaruś. (…) Jany prosta buduć płyć u farvatary isnujučaj palityki, pakul nie adbudziecca niešta radykalnaje.
A jość krainy, katoryja dastatkova žorstka suprać źmieny hetaj palityki. I pakul jość takoje žorstkaje łobi suprać lubych nie prosta pieramovaŭ, a navat hnutkaści aficyjnaj siońniašniaj pazicyi ES, to chto budzie staracca i navošta jaho pieraadolvać? U ciabie jość Polšča, Litva, Łatvija, Šviecyja, nu mahčyma, užo i Hiermanija z hetaha boku. I ŭsie z adnym padychodam.
Kali ty niejkaja ŭmoŭnaja Słavakija, navat kali ty Italija — vialikaja kraina, tak tabie patrebny Łukašenka, kab ładzić unutry ES niejkija skandały na hetuju temu? Nie. Prosta biurakratyčna hety miechanizm nie prystasavany dla tonkaj nastrojki».
Šrajbman adznačaje, što razmaŭlać z Łukašenkam mohuć tolki asobnyja krainy. «Dla mianie subjekty lažać u dvuchbakovych adnosinach. Heta Vašynhton, Varšava (kali zachočuć niejkija łakalnyja [pytańni] pa Pačobutu, pahranpierachodach), Łondan.
Brytanija bolš nie źviazana jeŭrapiejskaj palitykaj. I niadaŭna źjechaŭ pasoł ź Minska. Zaraz pryjechaŭ časovy pavierany. I ŭ pryncypie, kali jany zachočuć, jany mohuć pasprabavać pahandlavacca adnosna pryjezdu pasła. Naprykład, kab vypuścić ludziej».
Analityk zaŭvažaje, što ŭ Vialikabrytanii niama takoj žorstkaj pazicyi, jak u ES i asobnych krain Zachadu:
«Aficyjnaja pazicyja Vialikabrytanii pa Biełarusi — heta jak aficyjnaja pazicyja Vialikabrytanii pa Ruandzie, Mazambiku. Heta niešta nastolki trećciarodnaje, što pazicyja moža vypracoŭvacca siarednim uzroŭniem biurakratyi pa miery taho, jakich metaŭ ciapier možna dasiahnuć.
Pazicyja jość u Polščy, Litvy, ZŠA. Brytanija, takija krainy, jakija dalokija, u jakich jość niekatory luft, jany mohuć usio ž taki być bolš hnutkimi mienavita z-za taho, što Biełaruś dla ich nie tak važnaja».
Ciapier čytajuć
Žonka Arcioma, jaki emihravaŭ u Ispaniju ź siamjoj i zastaŭsia tam adzin, adkazała, čamu ŭ Baranavičach lepš, čym u Barsiełonie6
Kamientary