Vałanciory rasčyścili pad Navahrudkam ruiny kaścioła ŭ jehipieckim styli FOTAFAKT
25-26 kastryčnika katalickija vałanciory pracavali kala vioski Sulacičy Navahrudskaha rajona, dzie ŭ pačatku XIX stahodździa byŭ pabudavany kaścioł va ŭnikalnym dla Biełarusi jehipieckim architekturnym styli, jaki ŭ hady savieckaha vajaŭničaha ateizmu byŭ zrujnavany, piša Katolik.life.
Vynik pracy dobraachvotnikaŭ pa rasčystcy ruin katalickaha chrama ŭ Navahrudskim rajonie pakazaŭ ksiondz Juryj Žeharyn.
Kab uratavać ad zabyćcia śviatoje miesca, entuzijasty rasčyścili ruiny histaryčnaha kaścioła ad chmyźniaku. Tałaka ładziłasia sumiesna z vałanciorami z roznych kutkoŭ Biełarusi pry aktyŭnym udziele kamandy «Radyjo Maryja».
«Raduje serca, što chapaje ŭ nas sapraŭdnych, salidarnych i nieabyjakavych ludziej, asabliva važna — mužčyn! Zrabili dobruju spravu, zrabili što mahli. Dziakuju Bohu za dapamohu i natchnieńnie!» — napisaŭ ksiondz Jury i taksama padziakavaŭ rajonnym uładam, valščykam lashasu i apublikavaŭ na svajoj staroncy sieryju fota i videa.
Heta ŭžo druhaja padobnaja akcyja: u pieršy raz dobraachvotniki farbavali kaścioł u Choŭchłavie pad Maładziečna.
U Budsłavie raźbirajuć unikalny ałtar ź iluzornaj pierśpiektyvaj, jakoj padmanvali hledača najvialikšyja dojlidy Ryma
Pravasłaŭny prychod u Słonimie pakarajuć za niezakonna pieramalavany chram XVII stahodździa
Tadevuš Kandrusievič i Uładzisłaŭ Zavalniuk naviedali parafiju źniavolenaha ksiandza Juchnieviča
Kamientary