U Kijevie palicyjanty šeść razoŭ kuplali pasłuhi prastytutak — usio dziela śledčaha ekśpierymientu
U ramkach rasśledavańnia kryminalnaj spravy suprać mierkavanych sutenioraŭ, ukrainskija siłaviki vyrašyli maksimalna pahruzicca ŭ temu.
Ukrainskija siłaviki rasśledavali spravu ab arhanizacyi bardela, padazravanymi prachodzili hramadzianka Hruzii i dźvie ŭkrainki.
Jak stała viadoma ŭ sudzie, palicyjanty šeść razoŭ pravodzili svojeasablivyja śledčyja ekśpierymienty — jany zajmalisia seksam z prastytutkami, piša TSN.
Ź vieraśnia pa kastryčnik 2022 hoda pradstaŭnik palicyi padčas śledčaha ekśpierymientu trojčy zakazvaŭ takija pasłuhi i zapłaciŭ za heta 4500 hryŭniaŭ (prykładna 100 dalaraŭ). U listapadzie 2022-ha jašče adzin pradstaŭnik palicyi skarystaŭsia pasłuhami prastytutak, zapłaciŭšy za heta 1600 hryŭniaŭ (kala 40 dalaraŭ).
U studzieni 2023 hoda jašče dva siłaviki paŭdzielničali ŭ takich śledčych ekśpierymientach, zapłaciŭšy 2000 i 5000 hryŭniaŭ (48 i 120 dalaraŭ).
Paśla hetaha padazravanych u arhanizacyi bardela zatrymali. Na sudzie žančyny vinu admaŭlali: jany śćviardžali, što nie byli suteniorkami, a tolki zajmalisia prastytucyjaj. Taksama jany abvinavacili palicyju ŭ pomście: pa ich słovach, siłaviki prapanoŭvali pracavać na ich, adnak tyja admovilisia.
Žančynam u vyniku dali pa čatyry hady kałonii.
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary