STB nie pakaža zaŭtra matč minskaha «Dynama» ŭ Varšavie, na jaki biełarusy sabralisia sa ściahami
Sustrečy Lihi kanfierencyj, na jakuju biełarusaŭ zaklikali prychodzić z nacyjanalnaj simvolikaj, niama ŭ prahramie kanała.
U prahramie pieradač STB na 7 listapada niama matča asnoŭnaha raŭnda Lihi kanfierencyj pamiž «Lehijaj» i minskim «Dynama».
Matč startuje ŭ 20:45 pa Minsku. Na hety čas u efiry STB zapłanavany sieryjał «Nieŭski. Pravierka na tryvałaść» i dakumientalny prajekt «Nazad u SSSR».
Pry hetym STB pakazvaŭ papiarednija matčy minskaha «Dynama» ŭ asnoŭnym raŭndzie Lihi kanfierencyj z «Chartsam» (1:2) i XIK (0:1). Adnak hulniu z «Lehijaj» vyrašyli nie tranślavać.
Fanackaja hrupa minskaha «Dynama» raniej zaklikała biełarusaŭ pryjści na matč u Varšavie sa ściahami i inšaj simvolikaj.
«Hety matč — najlepšaja mahčymaść nahadać śvietu pra toje, što adbyvajecca ź Biełaruśsiu, u Biełarusi. Abjaŭlajecca ahulny zbor na hulniu!
Kuplajcie kvitki na stadyjon (na luby siektar, na lubyja miescy), biarycie jak maha bolš ściahoŭ i atrybutyki našych koleraŭ», — havaryłasia ŭ paviedamleńni fanackaha kanała «Zrobleny ū Miensku».
Na hulniu ŭžo pradadziena bolš za 22 tysiačy biletaŭ.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary