Rasijskaja armija stała prycelna atakavać supiermarkiety ŭ Charkavie
Jak raskazaŭ karespandent Bild Bjorn Štrycel, raniej rasijskija vojski prycelna atakavali CEC, kab pazbavić ukraincaŭ śviatła i ciapła zimoj.
«Ciapier rasijanie celacca prycelna ŭ supiermarkiety, — piša žurnalist, — kab zrabić žyćcio jak maha nievynosnym dla amal 1 młn žycharoŭ, jakija zastajucca ŭ Charkavie, u tym liku 200 000 vymušanych pierasialencaŭ».
Namieśnik kiraŭnika kampanii «CharkivŚpiecBud» Maksim Piesin raspavioŭ, što z nadychodam chaładoŭ asabliva važna chutka adramantavać ludziam vybityja vokny. Niadaŭna z-za adnoj rakiety było vybita amal 800 štuk.
«Usie pabityja vokny my starajemsia adramantavać na praciahu sutak, — kaža jon. — Inakš tysiačam ludziej daviałosia b biehčy z damoŭ paśla hetaj ataki».
Pavodle danych Charkaŭskaj meryi, tolki za apošnija dva miesiacy US RF ździejśnili 78 abstrełaŭ horada rakietami i kiravanymi bombami, paškodžanyja ahułam 4500 damoŭ.
Kamientary
Tak riehularno žie vyražajut ozabočiennosť. I rakiety dajut, s usłovijem nie strielať po ruśnie. Koročie hovoria, diełajut vsie čto mohut.