Z pačatku listapada na Aršanščynie ŭzmacnilisia palityčnyja represii. Amal kožny dzień u sudzie Aršanskaha rajona adbyvajucca razbory spraŭ pa «ekstremisckich artykułach». Pavodle publičnaj infarmacyi bačna, što najbolšaja ŭvaha siłavikoŭ pryciahnuta da čyhunačnikaŭ, piša orsha.eu.
Jak piša vydańnie, nie vychodziačy na volu, užo treci raz byŭ asudžany mašynist łakamatyŭnaha depo Jury Žuk. Apošni raz jaho asudzili na «sutki» 13 listapada, a da taho sudzili dvojčy.
Na minułym tydni ŭ śpis ekstremistaŭ dadali ŭžo asudžanaha Alaksandra Kamlenku. Da 2020 hoda jon taksama pracavaŭ mašynistam, a ŭ apošni čas byŭ dalnabojščykam. Jaho zatrymali ŭ lutym hetaha hoda, kali jon viarnuŭsia z rejsa.
Taksama na minułym tydni stała viadoma, što byŭ zatrymany Valancin Martynaŭ — mancior čyhunačnych šlachoŭ. Jaho abvinavačvajuć pa kryminalnym artykule ŭ raspaŭsiudzie tak zvanaj «ekstremisckaj» infarmacyi.
Ciapier čytajuć
«Usio tak ci inakš budzie vyrašacca na poli boju». Čym budzie zajmacca novaja kiraŭnica Misii demakratyčnaj Biełarusi va Ukrainie?9
Kamientary