U Homieli byłyja muž i žonka praz sud dzialili jołku, unitaz i kotku z chatkaj
Mužčyna vystaviŭ byłoj žoncy ceły śpis materyjalnych kaštoŭnaściej, u jakim byli i niečakanyja rečy.
Byłyja muž i žonka ŭ Homieli praz sud dzialili majomaść, a taksama kotku.
Inicyjataram spravy staŭ mužčyna. Jon zapatrabavaŭ ad byłoj žonki majomaść pa śpisie. Śpis moža vyklikać ździŭleńnie.
Mužčyna zachacieŭ padzialić nie tolki meblu i techniku: u vopis patrapili šmatlikija pradmiety interjeru, uvachodnaja i mižpakajovyja dźviery, matracy, vanna, unitaz, bałkonnyja ramy, maskitnyja sietki, razietki i vyklučalniki.
Taksama eks-muž prapanavaŭ padzialić štučnuju jołku, dušavuju štorku, lampu dla manikiuru, padłohavyja i naściennyja pakryćci, plintusy i naciažnyja stoli.
Na pieršaje miesca ŭ śpisie jon źmiaściŭ parodzistuju kotku razam z chatkaj.
Dla vykanańnia rašeńnia suda sudovym vykanaŭcam pryjšłosia skrupulozna źbirać rečy, jakija mužčyna zapatrabavaŭ u byłoj žonki.
Paviedamlajecca, što majomasnaja sprečka była vyrašana. Kamu ŭ vyniku dastałasia kotka, a kamu — jaje damok, nie tłumačycca.
Kamientary