Hanna Kanapackaja patłumačyła, čamu nie vydalaje zdymki z BČB-simvolikaj z sacsietak. Vy budziecie śmiajacca
Palityk Hanna Kanapackaja dała intervju vydańniu «Točka». U im jana patłumačyła, čamu nie čyścić svaje sacsietki ad fotak z nacyjanalnaj simvolikaj, za jakija ciapier možna trapić za kraty.
«Apazicyjny eks-deputat, jakoj prapanavali pasadu va ŭradzie. Prajšła prezidenckija vybary — 2020, ale zastałasia ŭ krainie i na voli», — tak śmieła vydańnie pradstaviła Kanapackuju čytačam.
Siarod inšaha, «Točka» pacikaviłasia ŭ hutarcy, čamu Kanapackaja nie vydalaje zdymki z nacyjanalnaj simvolikaj.
«Mnohija palityki i aktyvisty, jakija zastalisia ŭ Biełarusi, u apošni čas pačyścili svaje akaŭnty. U archivach Instagram Kanapackaj možna znajści jak fota ź bieł-čyrvona-biełym ściaham i «Pahoniaj», tak i simvoliku zabaronienych u Biełarusi miedyjaŭ», — piša «Točka».
Vydańnie nahadvaje, što ŭ 2021 hodzie Hienprakuratura zapuściła praceduru pryznańnia ściaha «ekstremisckim».
«KaAP praduhledžvaje adkaznaść za vykarystańnie zabaronienaj simvoliki padčas masavych mierapryjemstvaŭ. Pravaprymianialnaja praktyka apošnich hadoŭ takaja, što pryciahnuć da adkaznaści mohuć za lubuju publičnuju demanstracyju — navat u internecie», — dadaje vydańnie.
U Kanapackaj svajo ŭjaŭleńnie pra realnaść, u jakoj jana žyvie.
«Zakony Biełarusi, jak i luboj inšaj demakratyčnaj krainy, nie majuć zvarotnaj siły. Kali vy źvierniecie ŭvahu na daty fatahrafij, jakija stajać, publikacyi zrobleny ŭ toj momant, kali hetyja simvały było dazvolena vykarystoŭvać u Biełarusi», — kaža palityk pra Biełaruś jak «lubuju demakratyčnuju krainu».
Miž tym zvyčajnych biełarusaŭ karajuć navat za reposty dziesiacihadovaj daŭniny. I navat prałukašenkaŭskich.
Ciapier čytajuć
Łukašenku pasadzili na Paradzie ŭ Maskvie z Pašynianam, a Si Czińpina z Pucinym30
Łukašenku pasadzili na Paradzie ŭ Maskvie z Pašynianam, a Si Czińpina z Pucinym
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1515
Kamientary