U noč z 23 na 24 listapada ŭ Pinsku pamior viadomy ŭ horadzie piedahoh i hramadska-palityčny aktyvist Ryhor Siamionavič Burvan, paviedamlaje telehram-kanał Biełaruskaj sacyjał-demakratyčnaj partyi. Jamu było 84 hady.
Ryhor Burvan šmat hadoŭ pracavaŭ piedahoham, byŭ dyrektaram škoły.
Akramia taho, jon aktyŭna ŭdzielničaŭ u hramadska-palityčnym žyćci. Burvan byŭ siabram Biełaruskaj sacyjał-demakratyčnaj partyi (Hramada) ź pieršaha hodu jaje isnavańnia. Taksama jon byŭ adnym z arhanizataraŭ niezaležnaha prafsajuznaha ruchu ŭ Pinsku.
16 žniŭnia 2020 hoda jon vystupiŭ na płoščy Lenina ŭ Pinsku pierad niekalkimi sotniami haradžan, jakija pratestavali suprać falsifikacyi vybaraŭ i hvałtu z boku pravaachoŭnych orhanaŭ. Za heta jaho praź miesiac sudzili, ale pakajacca ŭ skazanym na płoščy tady 80-hadovy piensijanier admoviŭsia.
«Ja daviedaŭsia, što budzie mitynh u horadzie. Dumaju, pajdu i ja, pahladžu na ludziej, siabie pakažu. Pajšoŭ, pahladzieŭ, pasłuchaŭ što ludzi kažuć. Narmalnyja ludzi, vočy narmalnyja, ni adnaho narkamana ja tam nie ŭbačyŭ, nichto tam nikomu ničoha nie daje. Ludzi vystupajuć, płačuć. Siarod prysutnych na mitynhu šmat maich vučniaŭ. Padychodziać, vitajucca, ruki paciskajuć. Ja pasłuchaŭ, što jany havorać i vyrašyŭ vykazacca nakont taho, što adbyvajecca sa mnoj i z tymi, chto byŭ na płoščy. Paprasiŭ mikrafon i vystupiŭ. Syšoŭ z trybuny. Maje vučni padychodziać da mianie, ruku cisnuć, abdymajuć. Apładysmienty byli. A ja dumaju, a što ja takoha istotnaha skazaŭ? Byccam by ničoha istotnaha, prosta vykazaŭ svajo mierkavańnie. Ale paśla taho, jak ludzi stali padychodzić, abdymać, značyć, niešta ja istotnaje skazaŭ, čymści ja kranuŭ dušu ludziej…», — havaryŭ jon u sudzie.
Sud tady pryznaŭ Ryhora Burvana vinavatym pa č. 1 art. 23.34 KaAP «Udzieł u niesankcyjanavanym masavym mierapryjemstvie», a pakolki časy byli adnosna travajednyja, to tolki vynies jamu papiaredžańnie.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał44
Kamientary