Kali tempieratura ŭ žyłym pamiaškańni nižejšaja za normu, śpiecyjalisty pavinny vyjavić pryčynu.
Pa sacyjalnych standartach tempieratura pavietra ŭ žyłym pamiaškańni nie pavinna apuskacca nižej za 18°C, pišuć «Minsk-Naviny».
Kali žycharam zdajecca, što ŭ kvatery choładna i batarei hrejuć słaba, treba źviarnucca ŭ adzinuju dyśpietčarskuju słužbu pa numary 115.
«Na kamfort u žyłym pamiaškańni ŭpłyvajuć jak stan i ciepłaizalacyja kanstrukcyj budynka (ścieny, dach, vokny), tak i praca sistem aŭtamatyčnaha rehulavańnia aciapleńnia», — tłumačyć namieśnik hałoŭnaha inžyniera pa ekspłuatacyi «Minskkamunciepłasietki» Dźmitryj Vasiukievič.
Paśla afarmleńnia zajaŭki śpiecyjalisty pavinny pryjechać na miesca, pravieści zamiery i pry najaŭnaści prablem likvidavać ich.
A što rabić, kali horača?
Kamuści kamfortna pry tempieratury 24°C, a inšym chaciełasia b 19°C. Što rabić, kali batarei zanadta mocna hrejuć? U hetym vypadku źmianić tempieraturu ŭ kvatery možna z dapamohaj termarehulataraŭ.
Ale kali ich niama, ustalavać možna tolki pry najaŭnaści prajektnaj dakumientacyi. Pry zamienie radyjataraŭ i ŭstaloŭcy sistem termarehulavańnia abaviazkova ŭličvać paramietry budynka. Usie raboty pavinny pravodzicca tolki ŭ ramkach prajektnaha rašeńnia.
Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7
Kamientary