Hramadstva11

Žycharu Navapołacka vystavili abvinavačvańnie ŭ teraktach na BAMie

Zavieršany asnoŭnyja śledčyja dziejańni pa kryminalnaj spravie ab dvuch teraktach, učynienych na rasijskim BAMie biełarusam nibyta pa zadańni SBU. Mužčyna, jakomu inkryminujecca ŭstanoŭka mahnitnych min na čyhunačnyja sastavy z palivam, całkam pryznaŭ vinu, nazvaŭšy arhanizataram złačynstva jašče adnaho biełarusa, jaki pražyvaje ŭ Litvie, piša «Kamiersant».

Siarhiej Jeramiejeŭ. Skrynšot ANT

Basmanny rajsud padoŭžyŭ da hoda termin utrymańnia ŭ SIZA hramadzianina Biełarusi Siarhieja Jeramiejeva, jaki pražyvaŭ u apošnija hady ŭ Rasii i zajmaŭsia drobnym biznesam. 53-hadovy Jeramiejeŭ abvinavačvajecca ŭ ździajśnieńni dvuch złačynstvaŭ, praduhledžanych p. «a», «v» č. 2 art. 205 (terakty, učynienyja pa papiaredniaj zmovie abo arhanizavanaj hrupaj i jakija pryviali da pryčynieńnia značnaj majomasnaj škody) KK.

Havorka idzie pra vybuchi 29 i 30 listapada 2023 hoda na čyhunačnych sastavach z naftapraduktami, jakija ruchalisia z Tajšeta ŭ Tyndu i Nieriunhry pa Bajkała-Amurskaj mahistrali i pryviali da ŭzharańnia cysternaŭ z salarkaj.

Supracoŭniki FSB zatrymali Jeramiejeva ŭ Omsku ŭ śniežni minułaha hoda.

Fihurant pryznaŭ svaju vinu i pačaŭ supracoŭničać sa śledstvam, što dazvoliła HSU SKR ustalavać, što raniej Jeramiejeŭ pracavaŭ na «Naftanie» ŭ Navapołacku, adkul jaho zvolnili ŭ 2020 hodzie za ŭdzieł u pratestach.

A ŭ 2023 hodzie ź Jeramiejevym źviazaŭsia inšy hramadzianin Biełarusi Alaksiej Sakałoŭ, jaki abvinavačvajecca na radzimie ŭ dziaržaŭnaj zdradzie, i pražyvaje to ŭ Litvie, to ŭ Polščy. Apošni paviedamiŭ, što supracoŭničaje z SBU, prapanavaŭšy Jeramiejevu zładzić akcyi ŭ Rasii.

Pavodle dasłanych z-za miažy kaardynataŭ Jeramiejeŭ, zhodna ź jaho ž pakazańniami, znajšoŭ haraž u Navapołacku, u jakim abstalavaŭ schovanku. Adtul abraŭ vosiem mahnitnych min i avans u $4 tys.

Zatym jon na mašynie adpraviŭsia ŭ Buraciju, dzie zaminiravaŭ i padarvaŭ dva sastavy, atrymaŭšy za heta na bankaŭskuju kartu ekvivalent u rublach jašče $2 tys.

Pry aryšcie ŭ sudzie Omska Jeramiejeŭ zajaviŭ, što praz «BAM viazuć bojeprypasy (na vajnu) i jon chacieŭ pieraškodzić ruchu ciahnikoŭ.

U nastupnym jaho adpravili ŭ Maskvu, dzie padaŭžeńnie aryštu praktyčna nie abskardžvałasia. Uličvajučy supracoŭnictva fihuranta, jaho abarona tolki prasiła pryznačyć mienš strohi režym, zamianiŭšy ŭtrymańnie ŭ kamiery chatnim aryštam, ale ŭ hetym było admoŭlena.

Miarkujecca, što ŭžo paśla Novaha hoda Jeramiejeŭ i jaho abarona pačnuć aznajamleńnie z materyjałami kryminalnaj spravy, jakaja pa sutnaści razhledzić druhi ŭschodni Akruhovy vajenny sud. Sprava ž u dačynieńni da Sakałova budzie rasśledavacca dalej.

Kamientary1

  • Mch
    05.12.2024
    Voś i da "šabašnikaŭ u Rašcy" dabralisia.

Ciapier čytajuć

Łukašenka: Chutka 4 miljony pracoŭnych sahnucca, na karački stanuć, i my nie zmožam im narmalny zarobak płacić28

Łukašenka: Chutka 4 miljony pracoŭnych sahnucca, na karački stanuć, i my nie zmožam im narmalny zarobak płacić

Usie naviny →
Usie naviny

ZŠA źniali klučavoje abmiežavańnie na ŭdary dalnabojnymi rakietami pa Rasii — WSJ5

Vybuch adbyŭsia na abaronnym zavodzie ŭ Čalabinskaj vobłaści. Jość achviary5

Jak Fiadynič adkryŭ aŭtobus Statkieviču na miažy i jak Viniarski taksama vyjšaŭ, kab zastacca ŭ Biełarusi. Novyja padrabiaznaści3

Hienieralny sakratar NATA padtrymaŭ ideju Trampa spynić vajnu va Ukrainie pa linii frontu

Łukašenka zahadaŭ čynoŭnikam pravodzić narady na vychodnych i paśla pracy2

Muzykant Aleh Skrypka: Ja za vajskovy pieravarot21

Biełarus pradaje słoik miodu za 1500 rubloŭ. Za što takija hrošy6

Nie ŭskładniajcie, Mikoła. Buhaj adkazvaje Dziadku40

«Jon sapraŭdy jak mała chto zasłužyŭ jaje» — Milinkievič pra premiju dla Pačobuta4

bolš čytanych navin
bolš łajkanych navin

Łukašenka: Chutka 4 miljony pracoŭnych sahnucca, na karački stanuć, i my nie zmožam im narmalny zarobak płacić28

Łukašenka: Chutka 4 miljony pracoŭnych sahnucca, na karački stanuć, i my nie zmožam im narmalny zarobak płacić

Hałoŭnaje
Usie naviny →

Zaŭvaha:

 

 

 

 

Zakryć Paviedamić