Kiraŭnik Ofisa prezidenta Ukrainy nahadaŭ pra nieabchodnaść nadziejnych harantyj biaśpieki dla Kijeva.
Kiraŭnik Ofisa prezidenta Ukrainy zajaviŭ u intervju, jakoje tranślavałasia pozna ŭviečary ŭ čaćvier, što Kijeŭ pakul nie hatovy pačać pieramovy z Rasijaj, bo va Ukrainy niama dastatkova ŭzbrajeńniaŭ i ŭ jaje taksama niama harantyj biaśpieki i mižnarodnaha statusu, piša Hołas Amieryki.
Kamientary Andreja Jermaka ŭkrainskamu hramadskamu telekanału Suśpilnie prahučali ŭ toj čas, kali Uładzimir Zialenski, miarkujučy z paviedamleńniaŭ ŚMI, razhladaje mahčymaść urehulavańnia vajny, jakaja pačałasia ŭ lutym 2022 hoda, šlacham pieramovaŭ z Rasijaj.
«Nie siońnia», — adkazaŭ Jarmak u efiry Suśpilnie, kali jaho spytali pra toje, ci hatovaja Ukraina da pieramovaŭ.
«U nas niama zbroi, u nas niama statusu, pra jaki my havorym. A heta aznačaje zaprašeńnie ŭ NATO i razumieńnie dakładnych harantyj, jakija nam daduć, kab my mahli być upeŭnienyja, što Pucin nie vierniecca praz dva-try hady», — dadaŭ jon.
Uładzimir Zialenski na hetym tydni ŭ sumiesnaj zajavie ź lidaram niamieckaj apazicyi Frydrycham Miercam adznačyŭ, što Ukraina choča spynieńnia vajny, adznačyŭšy, što nieabchodnyja namahańni, kab zrabić jahonuju krainu macniejšaj i abaviazać Kreml pracavać nad dasiahnieńniem miru.
Taksama ŭ niadaŭnim publičnym vystupie prezident Ukrainy padkreśliŭ, što pieramovy mohuć adbycca ŭ toj čas, kali Rasija ŭsio jašče ŭtrymlivaje terytoryju, zachoplenuju joju padčas uvarvańnia.
Adnak Ukrainie, pavodle jaho słoŭ, nieabchodna zaprašeńnie ŭ NATO, nakiravanaje ŭsioj krainie całkam. Choć status Aljansu moža prymianiacca tolki da terytoryi, kantralavanaj uładami Kijeva, Ukrainie pavinny być pradastaŭleny realnyja harantyi biaśpieki.
Na minułym tydni ŭ Paryžy Zialenski sustreŭsia z abranym prezidentam Donaldam Trampam, jaki zajaviŭ, nie ŭdajučysia ŭ padrabiaznaści, što choča chutčejšaha zakančeńnia vajny.
Rasija daŭno adchilaje lubuju ideju ab tym, što Ukraina stanie čalcom NATO, a Pucin namahaje na tym, kab Kijeŭ źmiryŭsia z aneksijaj Kramlom čatyroch ukrainskich rehijonaŭ, jakija Maskva kantraluje tolki častkova.
Cichanoŭskaja pra muža: Uvieś jahony śviet pierakuleny22
Kamientary
Tamu całkam nielahična i złačynna dasyłać Akabčyka Maleńkaha ŭ akop, tady jak takaja adrasacyja spadara Jarmačka Niehatovieńkaha - adno prapanova skaštavać vynikaŭ jahonaje niehatoŭnaści