Miadźviedzieŭ zajaviŭ pra mahčymuju akupacyju novych rehijonaŭ susiednich krain
Namieśnik staršyni Rady biaśpieki RF Dźmitryj Miadźviedzieŭ ličyć mahčymym źjaŭleńnie ŭ składzie Rasii novych rehijonaŭ.
Na źjeździe partyi «Adzinaja Rasija» Miadźviedzieŭ zakranuŭ pytańnie raźvićcia akupavanych Rasijaj ukrainskich terytoryj — Danieckaj, Łuhanskaj, Zaparožskaj i Chiersonskaj abłaściej.
«Treba zrabić tak, kab patencyjał hetych rehijonaŭ byŭ realizavany ŭ poŭnaj miery. Budziem zajmacca hetym u ramkach Narodnaj prahramy, u jakuju ŭklučany raździeł «Raźvićcio novych rehijonaŭ».
Darečy, hety dośvied moža być zapatrabavany i dalej, u vypadku, kali ŭ składzie našaj krainy jašče źjaviacca novyja, ale vielmi blizkija nam rehijony», — skazaŭ jon i sarvaŭ apładysmienty.
Što mienavita jon mieŭ na ŭvazie, nieviadoma.
30 vieraśnia 2022 hoda Uładzimir Pucin padpisaŭ damovy ab dałučeńni ŭkrainskich rehijonaŭ da Rasii. Jon zajaviŭ, što žychary Danbasa, Chiersonskaj i Zaparožskaj abłaściej «stanoviacca hramadzianami RF nazaŭždy».
Kamientary