Orban ličyć, što vajna skončycca ŭ 2025 hodzie, i prapanuje Ukrainie dva scenary
Premjer-ministr Vienhryi Viktar Orban ličyć, što vajna Rasii i Ukrainy skončycca ŭ 2025 hodzie. Pavodle jaho słoŭ, buduć albo mirnyja pieramovy, abo «adzin z bakoŭ budzie źniščany». Takoje mierkavańnie jon vykazaŭ u intervju Magyar Nemzet, piša «Jeŭrapiejskaja praŭda».
Orban vykazaŭ pierakanańnie, što ŭ 2025 hodzie vajna va Ukrainie skončycca, i jeŭrapiejskija ekanomiki, u tym liku Vienhryi, znoŭ «buduć mieć vialikija ekanamičnyja pośpiechi».
U adkaz na pytańnie žurnalista, što budzie, kali vajna nie skončycca, Orban skazaŭ: «Vajna skončycca ŭ 2025 hodzie. Ci jaje možna budzie zaviaršyć mirnymi pieramovami, ci adzin z vajujučych bakoŭ budzie źniščany».
U toj ža čas Orban paskardziŭsia, kažučy pra vajnu, što «zorki na niebie jašče nikoli nie składalisia tak kiepska, a apošnija čatyry hady byli samymi ciažkimi z taho času, jak viatry źmieny režymu zanieśli mianie ŭ palityku».
Raniej prezident Ukrainy Uładzimir Zialenski raskrytykavaŭ sproby Orbana pradstavić siabie jak pasrednika va «ŭrehulavańni» vajny.
Ciapier čytajuć
U Varšavu pryjechała sotnia biełaruskich palitviaźniaŭ17
Kamientary