Орбан лічыць, што вайна скончыцца ў 2025 годзе, і прапануе Украіне два сцэнары
Прэм'ер-міністр Венгрыі Віктар Орбан лічыць, што вайна Расіі і Украіны скончыцца ў 2025 годзе. Паводле яго слоў, будуць альбо мірныя перамовы, або «адзін з бакоў будзе знішчаны». Такое меркаванне ён выказаў у інтэрв'ю Magyar Nemzet, піша «Еўрапейская праўда».
Орбан выказаў перакананне, што ў 2025 годзе вайна ва Украіне скончыцца, і еўрапейскія эканомікі, у тым ліку Венгрыі, зноў «будуць мець вялікія эканамічныя поспехі».
У адказ на пытанне журналіста, што будзе, калі вайна не скончыцца, Орбан сказаў: «Вайна скончыцца ў 2025 годзе. Ці яе можна будзе завяршыць мірнымі перамовамі, ці адзін з ваюючых бакоў будзе знішчаны».
У той жа час Орбан паскардзіўся, кажучы пра вайну, што «зоркі на небе яшчэ ніколі не складаліся так кепска, а апошнія чатыры гады былі самымі цяжкімі з таго часу, як вятры змены рэжыму занеслі мяне ў палітыку».
Раней прэзідэнт Украіны Уладзімір Зяленскі раскрытыкаваў спробы Орбана прадставіць сябе як пасрэдніка ва «ўрэгуляванні» вайны.
«Я сказаў на відэа, што мяне не катуюць — на той момант гэта было праўдай. А праз дзве гадзіны мяне збілі». Украінскі журналіст два гады правёў у расійскім палоне — вось што ён перажыў11
Каментары