Raźviedka Paŭdniovaj Karei: USU ŭziali ŭ pałon paŭnočnakarejskaha sałdata
Raźviedka Paŭdniovaj Karei ŭ piatnicu paćvierdziła zachop ukrainskimi vajskoŭcami paranienaha paŭnočnakarejskaha sałdata, jaki vajavaŭ na baku Rasii. Pra heta zajaviła ahienctva Yonhap sa spasyłkaj na nacyjanalnuju raźviedvalnuju słužbu Paŭdniovaj Karei.
«Dziakujučy abmienu infarmacyjaj u režymie realnaha času z raźviedvalnaj słužbaj siabroŭskaj krainy (my) paćvierdzili zachop paranienaha paŭnočnakarejskaha sałdata i płanujem staranna vyvučyć dalejšaje raźvićcio padziej».
Yonhap adznačaje, što heta paćvierdžańnie źjaviłasia paśla apublikavanaha napiaredadni ŭ sietcy paviedamleńnia ab zachopie USU vajskoŭca KNDR u pałon u Kurskaj vobłaści.
Fota nibyta zachoplenaha ŭ pałon paŭnočnakarejskaha sałdata, jaki, jak miarkujecca, atrymaŭ ranieńni, było raspaŭsiudžana ŭ Telegram. Padrabiaznaści ab stanie i statusie sałdata pakul nieviadomyja.
Kamientary