Hramadstva6363

Kavaleŭski raskrytykavaŭ pašpart Novaj Biełarusi i raskazaŭ, što źbiraŭsia rabić inakš

Paśla anonsu vydačy pašpartoŭ Novaj Biełarusi Valer Kavaleŭski, były pradstaŭnik Abjadnanaha pierachodnaha kabinieta, napisaŭ u fejsbuku, što prajekt adroźnivajecca ad taho, što jon raspracoŭvaŭ. I što składana ŭjavić, kab taki pašpart pryznali za prajazny dakumient. «Naša Niva» pacikaviłasia ŭ Kavaleŭskaha, što jon źbiraŭsia rabić inakš.

Pašpart Novaj Biełarusi. Fota: pres-słužba ofisa Śviatłany Cichanoŭskaj

«Ja nie razumieju, što možna nakiroŭvać dziaržavam»

Pa słovach Valera Kavaleŭskaha (ciapier kiraŭnika Ahienctva jeŭraatłantyčnaha supracoŭnictva), kali jon pracavaŭ nad prajektam pašparta, to praduhledžvałasia, što orhan vydačy pašparta projdzie niezaležny aŭdyt da taho, jak pačnuć vydavać dakumienty. 

«Hety aŭdyt pavinien pakazać, što ŭsie mižnarodnyja normy dla takich struktur vykananyja, jość adpaviednyja pratakoły, siertyfikavanaje abstalavańnie. Usio heta śviedčyła b pra toje, što hetamu orhanu vydačy možna daviarać. I taki siertyfikat patrebny i biełarusam, i zamiežnym partnioram. Atrymlivajecca, što na ciapier heta nie zroblena, a tolki płanujecca. Liču heta zapoźnienym krokam. 

Nastupnaja reč: toj pakiet, jaki pavinien nakiroŭvacca zamiežnym dziaržavam, pavinien uklučać u siabie sam uzor pašparta, siertyfikat paśpiachovaha aŭdytu orhana vydačy i mižnarodna-pravavoje abhruntavańnie. Na siońnia faktyčna jość tolki pašpart.

Ja nie razumieju, što možna nakiroŭvać dziaržavam, kali jany atrymajuć tolki pryhožuju knižku. Na padstavie čaho jany buduć prymać rašeńnie», — tłumačyć jon.

Valer Kavaleŭski 

Watch on TikTok

«Navošta Kabinietu adbitki palcaŭ biełarusaŭ?»

Kavaleŭski pierakanany, što dla pašparta nie treba źbirać bijamietryčnych danych (adbitki palcaŭ) — dastatkova bazavaj infarmacyi, ź jakoj čałaviek prychodzić na padaču dakumientaŭ. 

«Navošta bijamietryja orhanu vydačy ci Ofisu Śviatłany Cichanoŭskaj, Kabinietu adbitki palcaŭ biełarusaŭ? Što jany ź imi buduć rabić? U zvyčajnych sistemach MUS nakoplivaje hetu infarmacyju dla taho, kab zmahacca sa złačynnaściu. Kali bijamietryja trapić u Minsk, a tam usio heta jość, to jana dapamoža režymu vyniščać ludziej, jakija atrymali hetyja dakumienty. Taksama Mižnarodnaja arhanizacyja hramadzianskaj avijacyi nie patrabuje taho, kab bijamietryja była ŭ dakumientach. Možna abmiežavacca elektronnaj kopijaj fatahrafii i podpisu, jaki zapisvajecca na elektronny čyp u samim dakumiencie», — raskazvaje jon. 

Košt pašparta — 97 jeŭra — Kavaleŭski nie ličyć vysokaj canoj.

«U Litvie, Polščy my ŭsie cudoŭna viedajem, nakolki doraha atrymać VNŽ. U jeŭrapiejskich krainach heta nie tanny dakumient. Pytańnie ŭ tym, jakoje napaŭnieńnie ŭ dakumiencie, dla čaho im možna karystacca. Kali heta važny simvał — heta vydatna, ale asnoŭnaja misija prajekta — stvaryć prajazny dakumient. Pakul heta adsutničaje».

«Pieršyja pašparty varta vydavać biełarusam, jakija najbolš paciarpieli»

Kavaleŭski źviartaje ŭvahu taksama na toje, chto moža atrymać pašpart Novaj Biełarusi.

«Pieršyja pašparty varta vydavać biełarusam, jakija najbolš paciarpieli ad hetaj situacyi. Skazana, što pašpart budzie vydavacca ludziam, jakija majuć užo lehalizacyju, ale my z majoj kamandaj taksama raspracoŭvali pratakoły dla vydačy ich dzieciam, jakija naradzilisia za miažoj, bo ŭ ich niama siertyfikataŭ ab naradžeńni», — kaža Valer Kavaleŭski.

Jon ličyć, što orhan vydačy pašparta «zastajecca čornaj skrynkaj dla biełarusaŭ». 

«Vielmi składana zrazumieć, što ŭ im adbyvajecca: chto tam pracuje, jakija funkcyi. Niezrazumieła, jak samich supracoŭnikaŭ praviarali na biaśpieku, ci padpisali jany dakumienty pa nierazhałošvańni infarmacyi. 

Mienavita hetaja funkcyja pa zachoŭvańni danych dla biełarusaŭ vielmi tryhiernaja, za 4,5 hoda my bačyli, kolki było situacyj, kali piersanalnyja danyja apynalisia ŭ rukach režymu i ludzi praz heta ciarpieli».

Kamientary63

  • Abmienny fond
    14.01.2025
    ničoha nie zrabiŭ, a ciapier krytykuje
  • Made in Korea
    14.01.2025
    tut i biez etoho objaśnienija jasno čto afiera s pasportom ničieho nie varta.
  • U mianie takija ž samyja pytańni
    14.01.2025
    «Navošta bijamietryja orhanu vydačy ci Ofisu Śviatłany Cichanoŭskaj, Kabinietu adbitki palcaŭ biełarusaŭ? Što jany ź imi buduć rabić? U zvyčajnych sistemach MUS nakoplivaje hetu infarmacyju dla taho, kab zmahacca sa złačynnaściu. Kali bijamietryja trapić u Minsk, a tam usio heta jość, to jana dapamoža režymu vyniščać ludziej, jakija atrymali hetyja dakumienty./

    U mianie takija ž samyja pytańni i aściarohi.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»

Usie naviny →
Usie naviny

Anarchistu ŭ Rasii dali 16 hadoŭ za padpał vajenkamata. Jon źbieh u Biškiek, jaho złavili i departavali

Brusel płanuje skaracić dyppiersanał u Biełarusi11

Čarhovy biełaruski trenier uznačaliŭ kiprski «Arys»

Kolki šenhienskich viz atrymali biełarusy ŭ 2024 hodzie i jakija krainy ich čaściej vydajuć?9

Adzinaccać hadoŭ Łukašenka raźvivaje harady-spadarožniki. Pakul atrymlivajecca nie vielmi

U ES uzhadnili admienu štampaŭ na miažy Šenhienu1

Ludzi ŭ šoku ad taho, kolki kaštuje vosiem dzion płyć pa rekach Paleśsia na ciepłachodzie «Biełaja Ruś»13

Biełarus znajšoŭ na nabytym učastku dziŭnyja rečy na vypadak apakalipsisu1

«Šykoŭny restaran №1». Jak vyhladaje abnoŭlenaja stałovaja harvykankama ŭ Breście5

bolš čytanych navin
bolš łajkanych navin

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»

Hałoŭnaje
Usie naviny →

Zaŭvaha:

 

 

 

 

Zakryć Paviedamić