Tramp zaklikaŭ Rasiju nieadkładna spynić vajnu, inačaj pahražaje krutymi mierami
Donald Tramp zaklikaŭ Rasiju nieadkładna zaviaršyć vajnu suprać Ukrainy. U advarotnym vypadku jon pahražaje ŭvieści novyja sankcyi i pošliny na ŭvieś rasijski ekspart u ZŠA i krainy-sajuźnicy. Pra heta Tramp napisaŭ u svaim zvarocie da Uładzimira Pucina i rasijan u sacsietcy Truth Social.
U zvarocie Tramp padkreśliŭ, što lubić ruski narod, nie choča naškodzić Rasii i zaŭsiody mieŭ dobryja adnosiny z Pucinym, niahledziačy na publikacyi jaho praciŭnikaŭ ab umiašańni Rasii ŭ amierykanskija vybary ŭ 2016 hodzie.
«My nikoli nie pavinny zabyvacca, što Rasija dapamahła nam vyjhrać Druhuju suśvietnuju vajnu, straciŭšy ŭ hetym pracesie amal 60 000 000 žyćciaŭ. Pry ŭsim pry hetym ja źbirajusia zrabić Rasii, čyja ekanomika cierpić krach, i prezidentu Pucinu vielmi vialikuju pasłuhu. Supakojciesia zaraz i spynicie hetuju niedarečnuju vajnu!», — napisaŭ Tramp.
Kali da jaho nie prysłuchajucca, Tramp paabiacaŭ «ustalavać vysokija padatki, pošliny i sankcyi na ŭsio, što Rasija pradaje Złučanym Štatam i inšym krainam».
«My možam zrabić heta lohkim šlacham abo ciažkim šlacham — i lohki šlach zaŭsiody lepšy. Nastaŭ čas «zaklučyć ździełku». Bolš nie pavinna być stračana nivodnaha žyćcia», — dadaŭ Tramp.
Tramp daručyŭ svajmu śpiecpradstaŭniku zaviaršyć vajnu va Ukrainie za 100 dzion
Tramp moža pryvieści Pucina da krachu navat biez vajny. Treba tolki nie davać palohkaŭ pa nafcie
Donald Tusk: Kali Jeŭropa choča vyžyć, jana pavinna ŭzbrojvacca
Kaja Kałas: Śpiecsłužby papiaredžvajuć, što Rasija moža napaści na Jeŭrasajuz u 2028 hodzie
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary
60 młn :)
A počiemu nie 160 młn?
Nu i raška užie davno pod sankcijami, na kakoj tovar on sobirajetsia vvodiť pošliny ?:)