Hienieralny sakratar NATA Mark Rute, vystupajučy na forumie ŭ Davosie, zajaviŭ pra nieabchodnaść uzmacnić padtrymku Ukrainy, dadaŭšy, što vielmi važna, kab Rasija nie pieramahła padčas svajho ŭvarvańnia, piša «Hołas Amieryki».
«My sapraŭdy pavinny ŭzmacnić, a nie skaračać našu padtrymku Ukrainy», — zajaviŭ Mark Rute na mierapryjemstvie, pryśviečanym temie Ukrainy na Suśvietnym ekanamičnym forumie ŭ Davosie.
Jon dadaŭ, što «linija frontu ruchajecca ŭ niapravilnym kirunku».
Rute taksama zajaviŭ, što členam NATA daviadziecca vydatkavać na abaronu bolš za 2% ad svaich VUP, adznačyŭšy, što nieabchodnaść pavialičyć svaje vydatki na abaronu pastaviła abaronny aljans u «kryzisny režym».
«My znachodzimsia ŭ kryzisnym režymie, — skazaŭ Rute. — Što tyčycca pramysłovaj vytvorčaści, to my sapraŭdy ŭ kiepskim stanoviščy».
Jašče ŭ svajoj prahramnaj pramovie ŭ śniežni 2024 hoda Rute padkreślivaŭ nieabchodnaść vialikich vajskovych vydatkaŭ, kali krainy NATA, asabliva dziaržavy Jeŭropy, chočuć praduchilić vajnu, a nie płacić za jaje nastupstvy.
Jaho ciapier padtrymaŭ premjer-ministr Bielhii Alaksandr de Kro.
«Naš analiz pakazvaje, što rasijskaja ekanomika moža vytrymać vajnu jašče hod», — zaviŭ de Kro na forumie ŭ Davosie. Jon dadaŭ, što vielmi važna, kab 16-y pakiet sankcyj suprać Rasii ŭklučaŭ zachady ŭ śfierach pastavak hazu, enierhii i ŭhnajeńniaŭ.
Sajuźniki pa NATA pavinny płacić svaju «spraviadlivuju dolu» na abaronu, pierš čym razhladać pytańnie ab pašyreńni aljansu, zajaviŭ śpiecpradstaŭnik prezidenta ZŠA Ryčard Hrenieł.
«Vy nie možacie prasić amierykanski narod pašyryć «parason» NATA, kali ciapierašnija členy nie płaciać svaju spraviadlivuju dolu», — zajaviŭ Hrenieł praź videasuviaź u adkaz na zaklik hienieralnaha sakratara NATA ab nieabchodnaści pavieličeńnia abaronnych vydatkaŭ.
Ciapier čytajuć
Śpiavačku Meryjem Hierasimienka na praciahu dvuch hadoŭ źbivaŭ muž36
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary