Hety krok — častka stratehii NATO ŭ pavieličeńni vytvorčaści.
Jak paviedamlaje ahienctva Bloomberg sa spasyłkaj na krynicy, NATO pačała pradastaŭlać abaronnaj pramysłovaści niekatoryja svaje stroha zasakrečanyja metavyja pakazčyki, jakija vyznačajuć, jakuju zbroju i abstalavańnie nieabchodna vyrablać krainam-siabram aljansu, piša Bi-bi-si.
Hety krok — častka stratehii NATO ŭ pavieličeńni vytvorčaści, jakuju novy hienieralny sakratar Mark Rute nazyvaje «pierachodam da myśleńnia vajskovaha času». Pa danych krynic vydańnia, abmien sakretnymi danymi — heta jaho inicyjatyva.
U ramkach asobnaj pracedury aljans taksama pačnie abmieńvacca niekatorymi sakretnymi źviestkami ź Jeŭrasajuzam, 24 krainy jakoha ŭvachodziać u NATO. U pryvatnaści, havorka idzie ab abaronnych standartach, takich jak univiersalnyja kalibry zbroi i vajennaja leksika. Zadača takoj miery — unifikavać uzbrojenyja siły krain aljansu pa šerahu paramietraŭ.
Jak piša ahienctva, hetaja inicyjatyva źjaviłasia, kali čalcy NATO sprabujuć pieraŭzbroicca paśla pačatku rasijskaha ŭvarvańnia va Ukrainu. Viartańnie Donalda Trampa ŭ Bieły dom padšturchnuła hetyja namahańni.
Raniej prezident ZŠA pahražaŭ admović u vajskovaj padtrymcy tym čalcam NATO, jakija niedastatkova vydatkoŭvajuć na abaronu.
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary