Padletku sa Žłobina dali chatniuju chimiju za toje, što sarvaŭ dziaržaŭny ściah
Sudovaje pasiadžeńnie adbyłosia na bazie Žłobinskaha mietałurhičnaha kaledža, dzie vučyŭsia Kanstancin.
Na vyjaznym pasiadžeńni suda Žłobinskaha rajona 4 lutaha asudzili Kanstancina Cichamirava pavodle art. 370 (ździek ź dziaržaŭnych simvałaŭ) Kryminalnaha kodeksa. Praces viała sudździa Śviatłana Andrejeva, piša «Viasna».
Chłopiec zalez na dach hipiermarkieta «Jeŭraopt», adkul źniaŭ čyrvona-zialony ściah i pakłaŭ jaho ŭ kišeniu kurtki. Zatym vykinuŭ ściah u śmietnicu.
U vyniku sudździa Śviatłana Andrejeva pryznačyła Kanstancinu adzin hod abmiežavańnia voli biez nakiravańnia ŭ papraŭčuju ŭstanovu adkrytaha typu (chatniaj chimii).
Pavodle infarmacyi «Homielskaj viasny», hod tamu, na scenie aktavaj zały Mietałurhičnaha kaledža, Kanstancina razam z tryma inšymi navučencami ŭračysta vinšavali i ŭznaharodžvali listami padziaki — junaki vyratavali piensijaniera z vady.
Pra hieraičny ŭčynak padletkaŭ tady navat napisała prapahandysckaja «SB. Biełaruś siehodnia» — chłopcy zapaŭźli na lod i z dapamohaj znojdzienych pobač drukoŭ zmahli vyciahnuć z vadajoma piensijaniera i ŭratavać jamu žyćcio.
Kamientary
...
znoŭ pakazalna-zastrašalnaje sudzilišča pierad navučencami ?