Bondarava pryraŭniała Piatra Piatroŭskaha da «aŭtara «Majn Kampfa»
Prarasijskaja danosčyca Volha Bondarava praciahvaje praktyku vyjaŭleńnia idejnych vorahaŭ u asiarodźzi prychilnikaŭ režymu Łukašenki, jakim nie padabajucca jaje radykalnyja pohlady, skiravanyja suprać biełaruskaj movy i inšych nacyjanalnych admietnaściaŭ. Hetym razam pad abstreł Bondaravaj trapiŭ «člen CK KPB, deputat Minharsavieta», a zaadno i supracoŭnik Instytuta fiłasofii NANB Piatro Piatroŭski.
Złość u Bondaravaj vyklikała vystupleńnie Piatroŭskaha 6 lutaha ŭ efiry prapahandyskaj prahramy «Azarienok. Napriamuju».
U joj Piatroŭski nazvaŭ razumova adstałymi tych hramadzian, jakija nie zdolnyja «razumieć vielmi blizkija pamiž saboj movy», i jak prykład pryvioŭ zmahańnie Bondaravaj i jaje paplečnikaŭ suprać biełaruskamoŭnych biuleteniaŭ na niadaŭnich «vybarach». Miesca takich ludziej, maŭlaŭ, «na łavie padsudnych».
Kali Bondarava vystaviła frahmient hetaha vystupleńnia ŭ svaim telehram-kanale, u kamientarach da videa ŭźnikła šyrokaja dyskuija z udziełam samoha Piatroŭskaha. Jon zajaviŭ, što ŭsie, chto padymaje ŭ Biełarusi moŭnaje pytańnie — «ekstremisty», a taksama skazaŭ zahadkavuju frazu:
«Moŭnaje pytańnie ŭ Biełarusi zakrytaje. Chto nie zhodny, prosim u Kurapaty. Kropka».
Hetaje vykazvańnie akurat i natchniła danosčycu na novy post:
«Pa ŭsioj bačnaści, «małady navukoviec» Piatroŭski P. pa-fiłasofsku prapanavaŭ rasstrelvać i zakopvać u ahulnych mahiłach hramadzian Biełarusi. Cikavaja aŭtarskaja mietodyka pierakanańnia. Čymści niaŭłoŭna nahadvaje mietodyku aŭtara «Majn Kampfa» Adolfa H.», — aburajecca Bondarava, mietodyka pierakanańnia jakoj, treba skazać, taksama nikoli nie adznačajecca ni karektnaściu, ni navat elemientarnaj pavahaj da apanientaŭ.
Paśla čaho tradycyjna patrabuje, kab «prakuratura dała pravavuju acenku jaho vykazvańniam, nazvanym vyšej».
Paśla danosu Bondaravaj nastaŭnica hoda ź Lachavičaŭ terminova vyjechała ź Biełarusi
Doktarka, jakoj aburaŭsia Marzaluk, patrabavała biuleteń pa-rusku. Ale daviałosia pahadzicca na biełaruskuju movu
Bondaravu zaviarnuli ź pierajmienavańniem vulicy Kalinoŭskaha ŭ Minsku
Čamu Karpienka nie moža pasadzić Bondaravu? Razvažaje Volha Łojka
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary