Šarenda-Panasiuk: Niedapuščalna stvarać ź ludziej, jakija trymajucca za kratami, niejkich niedavumkaŭ

Palina Šarenda-Panasiuk ličyć, što iści na kampramis z režymam — heta prajava słabaści, jakaja tolki ŭzmacniaje jaho pazicyi i dazvalaje praciahvać svaju palityku:

«Vy musicie razumieć, što jość peŭnyja miežy. Nie pieršy raz hetaja situacyja z zakładnikami. Kolki možna hetym hłupstvam zajmacca? Treba zrazumieć, što režym pryzvyčaiŭsia da takoj situacyi. Niešta adbyvajecca, nabirajucca zakładniki. Pačynajecca handal: «Raz jany iduć nam na sastupki, značyć my mocnyja, a jany słabyja, tamu što słabyja iduć na sastupki».

My słabyja z boku hledžańnia hetaha režymu, tamu što my hatovyja iści na sastupki. Na jakija sastupki pajšoŭ Łukašenka? Što jon zrabiŭ? U nas pravialisia narmalnyja vybary a nie hety čarhovy fars? Značyć, u 2030 hodzie znoŭ paŭtorycca situacyja? Kolki možna?»

Pa słovach Paliny, sproby damovicca abražajuć tych, chto čatyry hady trymajecca ŭ ciažkich umovach, nie zhadžajučysia na napisańnie prašeńnia ab pamiłavańni.

Jana śćviardžaje, što zmahańnie pavinna praciahvacca da kanca, inakš achviary akazvajucca marnymi:

«Nu prosta heta ŭžo hłupstva z majho punktu hledžańnia i niepavaha i da samich siabie i da tych ludziej, jakija trymajucca čatyry hady ŭ žudasnych umovach. Dla ich voś hetyja pavodziny «davajcie damaŭlacca z Łukoju» sapraŭdy ŭsprymajucca jak zdrada. Atrymlivajecca, my daremna pakutavali. My mahli vyjści adrazu padpisaŭšy. Ale my pakutujem, tamu što my chočam iści da kanca. Achviarujem saboju dla taho, kab dacisnuć hety režym».

Adnak častka palitźniavolenych nie hatovy da takoj samaachviarnaści i choča vyjści na volu. Jany vystupajuć za pošuki kampramisaŭ i pieramovy. Adnosna hetaha Palina Šarenda-Paniasiuk zaŭvažaje:

«Jak pastupać u hetaj situacyi — indyvidualny vybar kožnaha. Čałaviek maje prava padpisać heta [prašeńnie ab pamiłavańni]. Ale čałaviek maje prava i nie padpisać. Ja liču, što heta vielmi drenna, što ludzi, jakija trymajucca, jakija admaŭlajucca iści na sastupki režymu, vystaŭlajucca niejkimi upiortymi, durniami.

Atrymlivajecca, što hetyja «mudryja», jany padpisali, jany vyjšli. A voś hetyja…. Ci im tam padabajecca, ci što. Voś jany siadziać. Nu i niachaj siadziać tady. A my chitryja, my vyjšli.

Stvarać z tych ludziej, jakija trymajucca, niejkich niedavumkaŭ ja liču niedapuščalnym. Treba pavažać i pazicyju hetych ludziej, razumieć, čamu jany heta robiać. Pahatoŭ, situacyja hetaja nie druhi i nie treci raz paŭtarajecca».

• 57
• 4
• 1
• 8
• 0
• 1
• 1
• 1