Joj było 85 hadoŭ.
Pamierła viadomaja ŭ 1990-ch prapahandystka Nina Čajka, pra što paviedamiŭ praŭładny Biełaruski sajuz žurnalistaŭ.
Nina Čajka naradziłasia va Usuryjsku Prymorskaha kraju ŭ siamji vajskoŭca, jakoha paśla vajny pieraviali ŭ Biełaruś.
Nina Čajka skončyła žurfak BDU i bolš za 50 hadoŭ pracavała ŭ Biełteleradyjokampanii: uznačalvała moładzievyja redakcyi spačatku radyjo, potym — telebačańnia, a ŭ pačatku 1990-ch na telebačańni ŭznačaliła redakcyju navukova-papularnych i navučalnych prahram, zatym — redakcyju litaraturna-dramatyčnych prahram Biełaruskaha radyjo.
U 2002—2008 hadach Čajka była hałoŭnym redaktaram litaraturnaha časopisa «Nioman», zatym amal try hady — namieśnikam hałoŭnaha redaktara časopisa Sajuznaj dziaržavy «Biełaja vieža».
Nina Čajka była viadomaja ŭ 1990-ch jak prapahandystka. Jana pracavała na Pieršym nacyjanalnym kanale Biełaruskaha radyjo i ŭ pramym efiry viała prahramu «Razmova pa sutnaści». U joj mocna chvaliła Łukašenku i ŭłady i miašała z brudam apazicyju, u pryvatnaści, rezka krytykavała Vasila Bykava.
Ciapier čytajuć
«Čakaju tavar užo 13 dzion». Što pišuć klijenty ab prablemach Wildberries7
Kamientary
Krytykavała Vasila Bykava./
Voś bačycie, chto piša ŭsiu krytyku Vasila Bykava, suprać nacyjanalnych sił Biełarusi - naščadki rasiejskich aficeraŭ. Akupantaŭ.
Siońnia padobnyja im pišuć suprać Paźniaka.