Biełaruscy, jakaja ŭžo siem hod žyvie ŭ ZŠA, patelefanavali z hrodzienskaha KDB
Biełaruskaj aktyvistcy Alaksandry Vasilevič patelefanavali z hrodzienskaha KDB i zaprasili na hutarku, napisała jana ŭ svaich sacsietkach. Ale dziaŭčyna ŭžo siem hod žyvie ŭ ZŠA, zaŭvažaje telehram-kanał «Pravo imiejut».
«Mnie siońnia telefanavali na biełaruski numar z UKDB pa Hrodzienskaj vobłaści z zaprašeńniem na hutarku. Na pytańnie pradstavicca i vysłać pozvu supracoŭnik skazaŭ, voś pryjdziecie i pradstaŭlusia», — cytuje post biełaruski «Pravo imiejut».
Surazmoŭca nie patłumačyŭ Alaksandry, ab čym płanujecca hutarka ź joj, i čamu «pra jaje ŭzhadali, kali jana nie aktyŭničała ŭ Biełarusi apošnija 7-8 hod».
«Razmova skončyłasia, kali jamu stała zrazumieła, što ja nie pryjdu i padjechać da mianie na hutarku jamu taksama naŭrad ci atrymajecca», — adznačyła jana.
Alaksandra Vasilevič zajmałasia aktyvizmam u Biełarusi kala 10 hod. Apošnim časam jana ŭznačalvała hrodzienskuju arhanizacyju Abjadnanaj hramadzianskaj partyi i moładzievuju arhanizacyju AHP «Maładyja demakraty».
Ciapier čytajuć
Inžyniera-kanstruktara z upraŭleńnia «Pielenha», jakoje robić techniku dla rasijskaha vojska, asudzili pa palityčnych artykułach3
Kamientary