Kampanija A1 rychtujecca da zapusku nacyjanalnaha servisu taksi. Jak paviedamiŭ načalnik upraŭleńnia infrastrukturnych rašeńniaŭ i kiraŭnik prajekta «A1 Taksi» Jaŭhien Laŭdanski, havorka idzie pra stvareńnie nacyjanalnaha servisu taksi, piša av.by.
«My pryjšli da vysnovy, što rynak taksi sapraŭdy vialiki — kala 1,3 młrd rubloŭ u hod pa ŭsioj Biełarusi. Asnoŭnaja pieraškoda dla jaho raźvićcia i ŭpłyvu na košty — heta manapolija: adzin bujny ahrehatar zajmaje bolš za 90% rynku. Tamu pryjšoŭ čas prapanavać alternatyvu», — patłumačyŭ Laŭdanski.
Jon udakładniŭ, što rašeńnie ab starcie prajekta pryniali vosieńniu 2024 hoda. Dla hetaha nabyli adnaho ź viadomych hulcoŭ na rynku — kampaniju «Bavaryja».
Zaraz A1 zapuskaje ŭłasny dadatak dla taksi. Prachodzić etap testavańnia ŭsich sistem, kampanija atrymlivaje nieabchodnyja dazvoły, stanovicca ahrehataram płaciažoŭ, rehistruje infaresursy, a taksama ŭstupaje ŭ rejestr dyśpietčaraŭ taksi, rychtuje jurydyčnuju bazu i prahramy łajalnaści.
Jaŭhien Laŭdanski anansavaŭ, što paŭnavartasny zapusk servisu zapłanavany ŭ mai.
Ciapier čytajuć
Zatrymali kiraŭnikoŭ ivent-kampanij. Adzin ź ich dapamahaŭ ładzić kancerty ŭ padtrymku Łukašenki14
Kamientary