U ruki siłavikoŭ trapili dakumienty Asacyjacyi biełaruskich dobraachvotnikaŭ. Jak heta mahło adbycca?
Telehram-kanał Ramana Pratasieviča apublikavaŭ papiery, źviazanyja z Asacyjacyjaj biełaruskich dobraachvotnikaŭ — supolnaściu biełarusaŭ-vieteranaŭ vajny va Ukrainie. «Naša Niva» spytała adnaho z aktyvistaŭ asacyjacyi, eks-kalinoŭca Alaksandra Kłačko, pra toje, jak mahła zdarycca takaja ŭciečka.
Papiery, jakija apublikavaŭ Pratasievič, datyčać struktury i zadač asacyjacyi, tam paznačanyja imiony supracoŭnikaŭ abjadnańnia. Jašče adna papiera — tekst pad nazvaj «Navošta Litvie padtrymlivać vieteranaŭ vajny va Ukrainie» z prapanovami pa dziaržaŭnaj dapamozie eks-dobraachvotnikam, jakija pierabralisia ŭ Litvu. Taksama ŭ kanale, siarod inšaha, źjaviŭsia raspovied pra kanflikt z kiraŭnicaj biełaruskaha šełtara ŭ Polščy, jakaja byccam admoviłasia zasialić tudy byłoha vajara.
Pratasievič apublikavaŭ i papiery, jakija ŭ kanale nazvanyja «finansavaj spravazdačnaściu» kalinoŭcaŭ. Pavodle infarmacyi kanała, u hetych papierach paznačanyja danyja pa dachodach i vydatkach pałka Kalinoŭskaha.
Alaksandr Kłačko adznačaje, što adnym z aktyvistaŭ Asacyjacyi biełaruskich dabraachvotnikaŭ byŭ Vasil Vieramiejčyk — były kalinoviec, jakoha zatrymali ŭ listapadzie 2024-ha. Mužčynu schapili ŭ Vjetnamie i vyvieźli ŭ Biełaruś, dzie jon z taho času znachodzicca pad vartaj.
Na pryładach u Vasila, kaža Kłačko, znachodziłasia šmat infarmacyi datyčna dziejnaści asacyjacyi. Aŭtaram ci suaŭtaram častki z hetych papier źjaŭlaŭsia sam Vieramiejčyk. Takim čynam, u ruki siłavikoŭ mahli trapić usie materyjały, jakija znachodzilisia na pryładach Vasila abo da jakich Vasil moh mieć dostup.
Alaksandr adznačaje, što nie paraŭnoŭvaŭ słova ŭ słova napisanaje ŭ źlitych papierach z aryhinałam:
«Ahulny sens u ich adlustroŭvaje publičnyja i ŭnutranyja abstaviny, ź jakimi sutykalisia biełaruskija vieterany paśla viartańnia da mirnaha žyćcia. Častka infarmacyi, jakaja zhadvajecca ŭ papierach, prama ahučvałasia ŭ ŚMI — stanovišča i patreby biełaruskich vieteranaŭ i ich siemjaŭ na toj čas. Pa inšaj častcy, źviazanaj z šełtaram u Varšavie, ničoha skazać nie mahu, bo nie byŭ bokam uzajemadziejańnia ŭ toj situacyi».
«Naša Niva» — bastyjon biełaruščyny
PADTRYMAĆCiapier čytajuć
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary
Jak moža čałaviek, jakoha Litva sama choča vykinuć ź Litvy pravodzić dziejańni pa fakcie vypichvańnia Vieramiejčyka ź Litvy i Jeŭropy?
Tut pavinny inšyja zastupicca i za Kłačko i za Vieramiejčyka. Takija jak vy, naprykład.