Dastatkova puścić u televizijnuju śfieru pryvatnikaŭ, raspradać na konkursie častoty.
Kiraŭnik Administracyi prezidenta Biełarusi Uładzimir Makiej siońnia na respublikanskim sieminary‑naradzie ideałahičnych rabotnikaŭ zapatrabavaŭ palepšyć jakaść navin i infarmacyjna‑analityčnych prahram na telekanałach Biełarusi.
«Našy kanały siońnia ŭ asnoŭnym kantralujuć televizijnuju prastoru ŭ Biełarusi. Ale treba razumieć, što heta stanovišča dasiahnuta dziakujučy mahutnaj padtrymcy dziaržavy, jakaja stvaryła spryjalnyja ŭmovy dla raźvićcia nacyjanalnaha telebačańnia.
Tamu dziaržava maje prava raźličvać na surjoznuju addaču.
Tym nie mienš my z tryvohaj nazirajem za niekatorym padzieńniem rejtynhaŭ jak respublikanskich, tak i miascovych telekanałaŭ», — skazaŭ Uładzimir Makiej.
Jon padkreśliŭ, što krytyka, jakaja prahučała z vusnaŭ prezidenta, u dačynieńni da tele‑i radyjokanałaŭ na praźmiernuju «zabaŭlalnaść» abaviazkova pavinna być pačutaja kiraŭnikami TB. «Urešcie, kali b dziaržava była zacikaŭlena vyklučna ŭ zabaŭlalnym kamiercyjnym viaščańni, to nie było b sensu ŭtrymlivać dziaržaŭnyja kanały —
dastatkova puścić u televizijnuju śfieru pryvatnikaŭ, raspradać na konkursie častoty.
Naturalna, sučasnaje telebačańnie nie moža być vyklučna infarmacyjnym abo maralizatarskim, adnak siońnia hramadska‑palityčnaje viaščańnie biełaruskaha telebačańnia akazałasia faktyčna na zadvorkach», — miarkuje kiraŭnik Administracyi.
Na jaho dumku,
amal nie zastałosia surjoznych analityčnych prahram, stali redkimi jakasnyja dakumientalnyja filmy.
Tamu ŭ najbližejšy čas nieabchodna dać novaje žyćcio navinavych i infarmacyjna‑analityčnym pieradač, farmat jakich na respublikanskich i bolšaści rehijanalnych telekanałach hadami zastajecca niaźmiennym.
Taksama nielha zabyvać, što ŭ navinavym siehmiencie z telebačańniem ŭsie paśpiachova kankuruje Internet, i, pa słovach Uładzimira Makieja, «kali teleprahramy nie ažyvuć, to vielmi chutka televizijnyja naviny i analityka mohuć zhubicca ŭ infarmacyjnaj prastory».
Ciapier čytajuć
«Narod pavinien na hetu ŭładu malicca». Łukašenka patrabuje, kab paśla armii chłopcy viartalisia stroha na raniejšyja miescy pracy9
«Narod pavinien na hetu ŭładu malicca». Łukašenka patrabuje, kab paśla armii chłopcy viartalisia stroha na raniejšyja miescy pracy
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami77
Kamientary