Rasijskaja technałahičnaja hrupa MTS dała spravazdaču za minuły hod i pryviała niekatoryja padrabiaznaści bujnych ździełak, piša Sputnik.
Sa spravazdačy vynikaje, što biełaruski servis kikšerynhu i raspracoŭki Eleven, jaki zajmaŭsia raspracoŭkaj elektrasamakataŭ, byŭ letaś pradadzieny rasijskaj hrupie MTS za 807 miljonaŭ rasijskich rubloŭ (bolš za 29 miljonaŭ biełaruskich).
«U listapadzie 2024 hoda hrupa nabyła aktyvy i 100% dolu ŭ kampanii-raspracoŭščyku elektrasamakataŭ ź Biełarusi. Metaj nabyćcia źjaŭlajecca stvareńnie Centra daśledavańniaŭ i raspracovak srodkaŭ indyvidualnaj mabilnaści», — skazana ŭ dakumiencie.
U spravazdačy paviedamlajecca, što pa vynikach ździełki im pieradali dolu 4,9% u adnoj z kampanij hrupy MTS — apieratary srodkaŭ indyvidualnaj mabilnaści. Umovaj pahadnieńnia taksama była i opcyja zvarotnaha vykupu dla biełaruskaha boku.
U Biełarusi kampanija Eleven pracuje z 2019 hoda. Jaje supracoŭniki stvaryli dźvie madeli elektrasamakataŭ, rovar i hruzavy viełabajk dla dastaŭki. Akramia Biełarusi, šerynhavy servis Eleven raźvivajecca ŭ Hruzii, Rasii i Kazachstanie.
U kancy 2024 hoda paviedamlałasia, što dziakujučy hetaj ździełcy rasijskaja MTS maje namier łakalizavać vytvorčaść elektrasamakataŭ u Rasii.
Akramia taho, hrupa praciahvaje vałodać 49% u biełaruskim telekam-apieratary MTS. Pavodle danych spravazdačy, prybytak ad hetaha aktyvu raście. Za 2024 hod dla rasijskaha boku jon skłaŭ amal 6,2 miljona rasijskich rubloŭ (kala 224 tysiač biełaruskich), u tym liku prykładna 4,7 miljona (kala 170 tysiač biełaruskich) skłali dyvidendy.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary