Pra łakalizacyju paškodžanaha ŭčastka ciepłasietki ŭ rajonie vulicy Šaranhoviča ŭ Minsku paviedamiŭ namieśnik načalnika słužby ekspłuatacyi ciepłatechničnaha abstalavańnia RUP «Minskenierha» Alaksiej Ivanoŭ.
Pavodle słoŭ čynoŭnika, uciečka sietkavaj vady spynienaja, a na miescy pracujuć avaryjna-adnaŭlenčyja bryhady i bryhady RTS.
«Ciapier pravodzicca adpampoŭka sietkavaj vady ź ciepłavoj kamiery dla zabieśpiačeńnia dostupu piersanału ŭsiaredzinu, a taksama praviadzieńnia ramontna-adnaŭlenčych rabot», — raskazaŭ jon.
Dla likvidacyi niaspraŭnaściaŭ napahatovie śpiecyjalnaja technika — aŭtakran, ekskavatar i dva samazvały, paviedamili ŭ «Minskenierha».
Nahadajem siońnia dniom u rajonie vulicy Šaranhoviča ŭ Minsku było vyjaŭlena paškodžańnie ciepłavoj sietki. Niekalki žyłych damoŭ u Sucharavie zastalisia bieź ciapła.
Paškodžańnie ciepłavoj sietki ŭ hetym rajonie było vyjaŭlena 20 sakavika kala 14-j hadziny.
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia18
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary