Hałoŭnakamandujučy USU: Rasija faktyčna pačała nastup na Charkaŭskuju i Sumskuju vobłaści
Pra heta Alaksandr Syrski raskazaŭ u intervju lb.ua.
«Vy ž bačycie, što, niahledziačy na ŭsie pieramovy, jakija viaducca, my nazirajem tolki pavieličeńnie intensiŭnaści nastupalnych dziejańniaŭ. Kardynalna situacyja nie źmianiłasia. Vorah praciahvaje stratehičnuju nastupalnuju apieracyju z metaj zachopu našaj terytoryi, razhramleńnia našych vojskaŭ, prasoŭvańnia ŭ hłybiniu, imkniecca poŭnaściu zachapić Danieckuju i Łuhanskuju vobłaści, a taksama častki Chiersonskaj, Zaparožskaj abłaściej, stvaryć bufiernuju zonu na terytoryi Charkaŭskaj, Sumskaj, Čarnihaŭskaj abłaściej. Jon prytrymlivajecca tych metaŭ abo sprabuje vykanać tyja zadačy, jakija pierad im pastaŭleny. I spyniacca jany, padobna, nie źbirajucca…» — skazaŭ kamandujučy USU.
Pavodle jaho słoŭ, nastup na Sumščynu i Charkaŭščynu, pra jaki raniej kazaŭ prezident Ukrainy Uładzimir Zialenski, faktyčna ŭžo pačaŭsia.
Taksama Alaksandr Syrski prakamientavaŭ sumiesnyja rasijska-biełaruskija vučeńni, jakija pavinna prajści vosieńniu ŭ Biełarusi i vykazaŭ dumku, ci možna ich paraŭnać z vučeńnia napiaredadni ŭvarvańnia va Ukrainu zimoj 2021-2022 hoda.
«Usie vučeńni majuć peŭnuju metu. I adna z takich metaŭ — heta schavanaje stvareńnie hrupoŭki nastupalnych vojskaŭ. To-bok bačnaść vučeńniaŭ — heta najbolš prymalny sposab pieradysłakavać, pierakinuć vojski, skampanavać ich na peŭnym napramku i stvaryć hrupoŭku vojskaŭ. Ułasna kažučy, mienavita tak usio i pačynałasia ŭ 2022 hodzie. Vy ž pamiatajecie, što spačatku była sfarmavanaja hrupoŭka, jana pravodziła navučańni, i my ŭsie spadziavalisia, što jany skončacca, rasijskija vojski viernucca na svaju terytoryju», — skazaŭ hałoŭnakamandujučy USU.
Ciapier čytajuć
175 tysiač biełarusaŭ emihravali ci vyjechali na pracu ŭ ES u 2024-m. Najbolš u Polšču, a Hiermaniju zdahnała Ispanija1
175 tysiač biełarusaŭ emihravali ci vyjechali na pracu ŭ ES u 2024-m. Najbolš u Polšču, a Hiermaniju zdahnała Ispanija
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie11
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie1
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Kamientary