Ježa33

Lubicie šmatki na śniadanak? Nu, čytajcie

Šmatki — pa-rusku ich nazyvajuć «chłoṕja», a pa-polsku — «płatki» — zdajucca chutkim i zdarovym śniadankam, asabliva kali vy śpiašajeciesia z ranicy. Ale ci viedajecie vy, što za hetym zvykłym praduktam chavajecca i jak vybrać najlepšyja?

cereal šmatki chłoṕja
Fota: Seksan Mongkhonkhamsao / Getty Images

Šmatki časta ŭsprymajucca jak idealny śniadanak: jany smačnyja, chutkija ŭ pryhatavańni, isnujuć u biaskoncaj raznastajnaści smakaŭ i mohuć źmiaščać karysnyja rečyvy. Ale niahledziačy na hety plus, u ich mohuć chavacca inhredyjenty, jakija mała źviazanyja z pravilnym charčavańniem.

Pavodle ekśpiertaŭ, karysnyja šmatki isnujuć, ale znajści ich — sprava niaprostaja. Voś niekalki paradaŭ, jak heta zrabić, ad vydańnia The New York Times.

Uvažliva čytajcie skład

Pieršaje, što rajać ekśpierty, — nie źviartajcie ŭvahu na piaredni bok skrynki. Tam mohuć być hučnyja zajavy nakštałt «karysna dla serca», «uzmacniaje imunitet», «źnižaje ŭzrovień chalesterynu» abo «sadavina ŭ składzie». Ale ŭsio heta nie zaŭsiody adpaviadaje rečaisnaści.

Zadniaja častka ŭpakoŭki — dzie napisany realny skład i pažyŭnyja elemienty — moža raskazać zusim inšuju historyju. Niekatoryja šmatki źmiaščajuć stolki ž cukru, jak desierty, a časam i bolej. Da taho ž jany časta vyrableny z ačyščanych złakaŭ, jakija chutka zasvojvajucca, pavyšajuć cukar u kryvi i pakidajuć pačućcio hoładu ŭžo praz karotki čas. Pry doŭhaterminovym užyvańni takaja ježa moža pavialičvać ryzyku dyjabietu II typu, atłuścieńnia i inšych chraničnych zachvorvańniaŭ.

Niekatoryja šmatki z padobnymi «karysnymi» śćviardžeńniami na ŭpakoŭcy nasamreč nie majuć navukovaha paćviardžeńnia ich efiektyŭnaści, padkreślivajuć ekśpierty.

cereal šmatki chłoṕja
Fota: Getty Images

Abirajcie celnyja złaki

Celnyja złaki — heta asnova zdarovaha charčavańnia. Jany źmiaščajuć klatčatku, vitaminy hrupy B, žaleza, mahnij, antyaksidanty i karysnyja tłuščy.

Celnymi ličacca tyja złaki, u jakich zachavalisia ŭsie try častki zbožža: endaśpierm (bahaty vuhlavodami), zarodak (utrymlivaje takija pažyŭnyja rečy, jak vitaminy hrupy V, folijevuju kisłatu i karysnyja tłuščy) i abałonka (šmat klatčatki). U apracavanych ža złakach zastajecca adna z hetych častak, što pazbaŭlaje ich asnoŭnych charčovych pieravah. Takija złaki nie dajuć praciahłaha nasyčeńnia.

Ekśpierty rajać źviartać uvahu na skład: kali pieršym u śpisie inhredyjentaŭ paznačana «celnaje zbožža» (naprykład, celnaja pšanica, avios, kukuruza abo karyčnievy rys), heta dobry znak. Kali ž pieršaj idzie «muka z pšanicy» abo «kukuruznaja muka», chutčej za ŭsio, vy majecie spravu z ačyščanymi złakami.

Šukajcie bałans pa klatčatcy

Ekśpierty adznačajuć, što bolšaść ludziej nie atrymlivaje rekamiendavanuju kolkaść klatčatki — ad 21 da 38 hramaŭ na dzień. Mnohija šmatki z vysokim utrymańniem klatčatki mohuć u hetym dapamahčy, ale rezki pierachod da takoj kolkaści moža vyklikać dyskamfort u stravavańni, naprykład uzdućcie žyvata ci praźmiernaje ŭtvareńnie hazaŭ.

Ekśpierty rajać pačynać z šmatkoŭ, dzie jość prynamsi 5 hramaŭ klatčatki na porcyju, i pastupova pavialičvać kolkaść.

Aścierahajciesia schavanaha cukru

Rekamiendujecca nie pieravyšać 50 hramaŭ dadadzienaha cukru na dzień, a niekatoryja ekśpierty rajać navat nie bolej za 25 hramaŭ dla žančyn i 36 — dla mužčyn. Adnak šmatki časta dajuć značnuju častku hetaj normy ŭžo ŭ adnoj porcyi.

Pry hetym cukar moža być schavany pad inšymi nazvami: kukuruzny sirop, kancentravany fruktovy sok, miod, niektar ahavy — usio heta roznyja formy dadadzienaha cukru.

Ekśpierty rajać abirać šmatki, dzie mienš za 8 hramaŭ dadadzienaha cukru na porcyju, i ŭvažliva čytać śpis inhredyjentaŭ.

cereal šmatki chłoṕja
Fota: Vladislav Nosick / Getty Images

Nie paddavajciesia na dadatki

Šmatki časta ŭzbahačajuć vitaminami, minierałami abo navat białkom. Dla ludziej z deficytam heta moža być karysna. Ale kali vaš racyjon zbałansavany, dadatkovyja dabaŭki — nie abaviazkova plus.

Da taho ž niekatoryja dadatkova dadanyja pažyŭnyja rečyvy, takija jak białok, žaleza, cynk ci vitaminy hrupy V, mohuć mieć niepryjemny smak, i vytvorcy kampiensujuć heta pavieličeńniem cukru.

Zdarovyja šmatki isnujuć — ale treba ŭmieć ich vybirać. Univiersalnaja parada: hladzicie na kolkaść cukru, šukajcie celnyja złaki, źviartajcie ŭvahu na klatčatku. I pamiatajcie: šmatki — heta nie adziny śniadanak.

Kamientary3

  • Russkaja spravka
    10.04.2025
    Pokupajtie produkciju Novobielickoho kombinata chleboproduktov. Naturalno i polezno.
    • daviedka
      10.04.2025
      Jeśli tolko ovsianyje chłoṕja etoho kombinata oranžievyje «Ekstra» №1 krupnoho pomoła (Lidapiŝiekoncientraty vypuskajut takije pod briendom «Hierkules»), a nie bystrorazvarivajuŝijesia horazdo boleje miełkoho pomoła zielonyje «Ekstra» №3.
  • Tekla
    10.04.2025
    Šmatkoŭ nie jem. Nie padabajucca
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

U Madrydzie rasstralali byłoha daradcu Janukoviča8

U Madrydzie rasstralali byłoha daradcu Janukoviča

Usie naviny →
Usie naviny

U Smalavickim rajonie žychary praciahvajuć zmahacca suprać sažałki dla adkidaŭ ź Minska3

Adzinaja hmina ŭ Polščy, dzie pieramoh Mencen, zasielenaja biełarusami. Ale hałasavali nie jany19

Stryječnaha brata biełaruskaha komika Idraka Mirzalizade prysudzili ŭ Azierbajdžanie da 18 hadoŭ źniavoleńnia1

«Moładź bolš dušeŭnaja i dobraja za nas». U Navapołacku dzieci samaarhanizavalisia, kab dapamahčy mužčynu, jaki ŭpaŭ, padniacca4

Łukašenka pachvaliŭsia, što jamu na dzień naradžeńnia padaryli ŭsiudychod23

Łukašenku prapanavali zdabyvać redkaziamielnyja elemienty z pramysłovych adkidaŭ6

U biełaruskich kramach źjaviŭsia pradukt «Dubaj». Padobny da maroziva, ale nie zusim jano13

Jeŭrasajuz pryniaŭ 17-y pakiet sankcyi suprać Rasii. U śpisie i Minski zavod kołavych ciahačoŭ9

Minski restaran ź bieźlimitnaj ježaj adkryŭsia paśla pierapynku5

bolš čytanych navin
bolš łajkanych navin

U Madrydzie rasstralali byłoha daradcu Janukoviča8

U Madrydzie rasstralali byłoha daradcu Janukoviča

Hałoŭnaje
Usie naviny →

Zaŭvaha:

 

 

 

 

Zakryć Paviedamić