Na 9 krasavika byŭ pryznačany ŭžo čaćviorty pa liku aŭkcyjon pa prodažy doma ŭ Minsku, jaki naležyć siamji Capkałaŭ. U vyniku dom pradali za canu amal udvaja mienšuju, čym prapanoŭvali padčas pieršaha aŭkcyjonu, piša «Radyjo Svaboda».
Pačatkovy košt vystaŭlenaha łota byŭ 841,6 tysiačy rubloŭ. Za toje, kab nabyć dom, zmahalisia try ŭdzielniki aŭkcyjonu. U vyniku aŭkcyjon adbyŭsia — dom Capkałaŭ pradali za 1 157 200 biełaruskich rubloŭ (kala 337 tysiač jeŭra ci amal 368 tysiač dalaraŭ pavodle kursu Nacbanka Biełarusi).
Dom siamji Capkałaŭ znachodzicca ŭ mikrarajonie Ślapianka ŭ Minsku. Da hetaha jaho jašče trojčy sprabavali pradać na aŭkcyjonie — 20 listapada i 19 śniežnia 2024-ha, 15 studzienia 2025 hoda. Pieršy raz pačatkovy košt łota byŭ 2 104 000 rubloŭ, druhi raz košt panizili da 1 683 200 rubloŭ, treci raz — da 1 262 400 rubloŭ. Usie try razy tarhi nie adbylisia — nie znajšłosia achvotnych nabyć dom.
U łot uvachodzili: dvuchpaviarchovy budynak № 7 płoščaj amal 420 «kvadrataŭ» na vulicy Ciapličnaj u Minsku (unutry jość častkova mebla i pradmiety interjeru), a taksama ziamielny ŭčastak z haspadarčymi budynkami, płoščaj 0,1411 ha. U domie zarehistravanyja try čałavieki, u tym liku dvoje niepaŭnaletnich dziaciej.
U domie byli zarehistravany try čałavieki, u tym liku dvoje niepaŭnaletnich dziaciej.
U krasaviku 2024 hoda z druhoj sproby taksama pradali trochpakajovuju kvateru siamji Capkałaŭ u domie № 5 na vulicy Čarnyšeŭskaha ŭ Minsku. Pieršyja tarhi taksama pravalilisia — achvotnych nie było. Pry druhoj sprobie, paśla panižeńnia koštu, jany źjavilisia.
Siamja Capkałaŭ lehalizavałasia ŭ Ałbanii
Capkała razasłaŭ pa usim Jeŭrasajuzie skarhi na Cichanoŭskuju i inšych stvaralnikaŭ pašparta Novaj Biełarusi
Aryštavany dom Capkałaŭ znoŭ pasprabujuć pradać na tarhach. Canu značna źnizili
Capkała raskazaŭ, što na hrečaskaj miažy jaho abvinavacili ŭ kradziažy aŭtamabila
Špakoŭski pra saŭładalnika «Varhiejminha» Kacałapava: Prafinansavaŭ pratesty na 296 tysiač dalaraŭ2
Kamientary
Franak po familii Aziempik naviernoje kupił