U Nicy pamierła biełaruskaja stylistka Jaŭhienija Drahun. Joj było 40 hadoŭ
Pamierła biełaruskaja stylistka Jaŭhienija Drahun. Jana zajmałasia dekoram viasiellaŭ, śviataŭ, uračystaściaŭ, brała ŭdzieł u šmatlikich prajektach, zaŭvažnych u biełaruskaj i zamiežnaj industryi mody i pryhažości, piša Reform.news.
Pra śmierć Jaŭhienii Drahun stała viadoma praz paviedamleńnie na jaje staroncy ŭ instahramie. Jak paćvierdzili Reform.news jaje siabry, maładaja žančyna pamierła kala dźviuch dzion tamu ŭ Nicy.
Jaŭhienija Drahun za svaju karjeru pracavała nad prajektami ź viadomymi fatohrafami. Jana zajmałasia nie tolki dekoram, stylem, ale i fłarystykaj.
Prajekty ź jaje ŭdziełam byli pryznanyja na mižnarodnym uzroŭni — u pryvatnaści, ich fotazdymki drukavalisia ŭ British Vogue, Vogue Weddings i inšych miedyja. Jana časta była ŭ padarožžach, ładziła majstar-kłasy dla fatohrafaŭ, fłarystaŭ u Italii i Francyi.
«Ženia była hienijem našaha času, maestra. Jana arhanizoŭvała nievierahodnaj pryhažości viasielli, prajekty, ad jakich zachoplivała duch. Mudraja, viasiołaja, žyćciaradasnaja. Vakoł siabie jana źbirała takich ža tvorčych ludziej, jany da jaje ciahnulisia. Jana adčuvała pryhažość jak nichto, bačyła čaroŭnaje. Nie mahu pavieryć, što jaje bolš niama z nami. Heta vialikaja strata», — raskazała pra asobu Jaŭhienii jaje kaleha i siabroŭka ź Minsku.
Jak adznačajuć blizkija, śmierć maładoj žančyny zdaryłasia z-za spynieńnia serca.
Kamientary
Kamisija MAHA (Make America Healthy Again), stvoranaja Donaldam Trampam, budzie rasśledavać pryčyny paharšeńnia stanu zdaroŭja amierykancaŭ. Daśledavańni buduć pravodzicca pa napramkach:
- hrafik vakcynacyi dziaciej
- elektramahnitnaje vypramieńvańnie
- piestycydy
- leki ad psichičnych zachvorvańniaŭ
- mikrapłastyk
i inšyja, my ničoha nie budziem vyklučać, ništo bolš nie budzie tabu.
World News Polska: Pryšpiliciesia ramianiami biaśpieki, bližejšyja miesiacy stanuć pierałomnymi.