Vybary źjaŭlajucca časam vyprabavańniaŭ dla kožnaha surjoznaha palityka, zajaviŭ jon.
Vybary źjaŭlajucca časam vyprabavańniaŭ dla kožnaha surjoznaha palityka, zajaviŭ na sustrečy z pradstaŭnikami hramadzianskaj inicyjatyvy «Rada biełaruskaj intelihiencyi» Aleś Michalevič, jaki raniej abjaviŭ pra namier udzielničać u vybarach kiraŭnika dziaržavy.
Na dumku Michaleviča, na budučych vybarach bolšaja častka hramadstva nie budzie padtrymlivać dziejnaha prezidenta. Źjaŭlajecca «unikalny šans», pakolki «luby aktyŭny palityk, jaki vałodaje cełasnym bačańniem budučyni Biełarusi, moža realna pretendavać na pieramohu, i dla hetaha jość usie šansy», skazaŭ jon.
Michalevič ličyć, što Biełaruś staić na parozie buržuaznaj revalucyi, i najbolej vostryja pratestnyja nastroi prajaŭlacca ŭ rehijonach. Palityk upeŭnieny, što jaho «vielmi dobraja kamanda lohka i biez usiakich surjoznych pieraškod» źbiare sto tysiač podpisaŭ vybarščykaŭ. Michalevič zajaviŭ, što svaju aporu bačyć u ajčynnym pryvatnym biźniesie i hramadskich arhanizacyjach. «Ja vystupaju za niezaležnuju Biełaruś, svabodny rynak, pravy čałavieka i viaršenstva zakona», — adznačyŭ jon. Svaju pieradvybarnuju prahramu palityk źbirajecca abnarodavać u vieraśni.
Pavodle mierkavańnia Michaleviča, apazicyja nie zmoža vystavić adzinaha kandydata na prezidenckich vybarach. Razam z tym jon vykazaŭ žadańnie ŭdzielničać u pracedury vyłučeńnia adzinaha i zajaviŭ, što «moža razhladać mahčymaść» źniacca na karyść kandydata, jaki vystupić z anałahičnaj prahramaj i prademanstruje najaŭnaść kamandy i inšych resursaŭ. Pakul Michalevič nie bačyć kandydata z «pieramožnym prajektam nie kramloŭskaha pachodžańnia, jaki moža źmianić situacyju ŭ krainie».
Ciapier čytajuć
Čym ciapier žyvie Ksienija Vołkava z «Apošniaha hieroja»? Čverć stahodździa tamu hetaja biełaruska trapiła na trapičny vostraŭ1
Kamientary