U Rymie siońnia prachodzić pachavańnie papy Franciška VIDEATRANŚLACYJA
U hetyja chviliny płošča śviatoha Piatra znoŭ adkryłasia dla ŭsich. Mienavita tam projdzie imša na niekalkich movach, a zatym trunu ź ciełam pantyfika pieraniasuć u baziliku Santa-Maryja-Madžore.
Sama cyrymonija pačniecca a 9-j ranicy pa miascovym časie (10:00 pa minskim). Za paŭhadziny da hetaha na płošču Śviatoha Piatra prybuduć lidary mnohich krain śvietu, u tym liku prezident ZŠA Donald Tramp, piša Bi-bi-si.
Uznačalić carkoŭnuju słužbu dekan kalehii kardynałaŭ Džavani Batysta Re. Imša praciahniecca paŭtary hadziny. Zatym trunu ŭniasuć u sabor Śviatoha Piatra, a adtul pracesija nakirujecca da miesca pachavańnia, jakoje raniej vybraŭ dla siabie papa Francišak.
Na ŭsim praciahu maršrutu achvotnyja zmohuć nazirać za cyrymonijaj z-za mietaličnych barjeraŭ. Akramia taho, płanujecca vieści tranślacyju na vialikich ekranach, ustalavanych u Rymie.
Trunu ź ciełam pantyfika pieraviazuć na inšy bierah Tybra, zatym žałobnaja pracesija projdzie mima płoščy Vieniecyi, Foruma i Kalizieja i da 12-j hadziny pa miascovym časie (13:00 pa Minsku) dasiahnie carkvy Santa-Maryja-Madžore.
Sama pachavalnaja cyrymonija ŭžo budzie niedastupnaja dla publiki.
Čamu Cichanoŭskaja nie pajechała na pachavańnie Papy?17
Kamientary
niešta siońnia siniaki na abodvuch kalenkach... nidzie nie padała, ni ab što nie biłasia... adkul? spała praŭda zusim drenna... dyk moža ŭ śnie lotała na jaki šabaš, jak taja Marharyta?