Eks-zorka zbornaj Hiermanii kinuŭ viadomuju tenisistku. Jon zdradziŭ joj z televiadučaj
Adna z samych viadomych spartyŭnych par raspałasia i aficyjna zaviaršaje šlubna-razvodny praces, piša Championat.com.
Niekalki tydniaŭ tamu źjaviłasia navina pra rasstavańnie znakamitaj sierbskaj tenisistki Any Ivanavič i lehiendarnaha niamieckaha futbalista Baścijana Švajnštajhiera.
Heta stała šakujučym pavarotam padziej, bo jany byli ŭ šlubie kala 10 hadoŭ i vychoŭvajuć traich dziaciej.
Pryčynaj razryvu pieršapačatkova nazyvałasia praca Baścijana ekśpiertam na telebačańni, z-za jakoj jamu prychodzicca šmat padarožničać i być udalečyni ad siamji. Adnak heta akazałasia praŭdaj tolki častkova.
Sierbskaje vydańnie Kurir bolš padrabiazna daviedałasia pra roznahałośsi pary.
Pavodle źviestak krynic ź blizkaha atačeńnia Ivanavič, mienavita Švajnštajhier pieršym prapanavaŭ skasavać ich šlub. Usia sprava ŭ ramanie Baścijana z kalehaj pa telebačańni Ester Siedłaček.
«Ana ŭsimi mahčymymi sposabami sprabavała zachavać šlub, ale Baścijan paličyŭ, što dla ich abaich budzie lepš raźvitacca mirna i pa-dobramu. Ivanavič było vielmi ciažka pryniać heta, adnak u rešcie rešt jana źmiryłasia z tym, što pačućci zhaśli. Švajnštajhier prapanavaŭ, kab usia pracedura prajšła praź ich advakataŭ. Zaraz idzie jurydyčnaje afarmleńnie razvodu», — śćviardžaje blizki siabar siamji Ivanavič ź Białhrada.
Ciapier Švajnštajhier šmat času pravodzić z Ester Siedłaček.
Baścijan i Ester časta źjaŭlalisia razam na publičnych mierapryjemstvach, adpačyvali na harnałyžnym kurorcie, pakidali flirt-kamientary na asabistych staronkach u sacsietkach zadoŭha da naviny pra razvod futbalista ź Ivanavič.
U profili Siedłaček amal kožnaja druhaja publikacyja — heta fota ci videa sa Švajnštajhieram. U Any takoha i blizka nie było, choć jana była jahonaj žonkaj.
39-hadovaja Siedłaček ciapier ciažarnaja trecim dziciom. Baćkam pieršych dvuch byŭ miunchienski biźniesmien, ź jakim jana była ŭ adnosinach z 2019 hoda, ale tak i nie raskryła jahonaje imia hramadskaści. Vidavočna, što televiadučaja ź im rasstałasia.
Nielha vyklučać, što Švajnštajhier źjaŭlajecca baćkam jaje treciaha dziciaci, choć aficyjna heta pakul nie paćviardžajecca.
Biełaruskim top-čynoŭnikam u Vałhahradzie razdali kałaradskija stužki. Marzaluk zastaŭsia ź jabłynievaj FOTY8
Kamientary
"Čałaviek pajšoŭ", "vialiki čałaviek", a nie "čałaviek pajšła", "vialikaja čałaviek" navat kali pra dziaŭčynu.
"Jarkaja asoba", "iarkuju asobu" a nie "iarki asoba", "iarkaha asobu" navat kali heta chłopiec. Jak i va ŭkrainskaj "ludyna pijšła" - pra chłopca.
Tamu i "zorka kinuła", a nie "zorka kinuŭ" - jak kitajcy jakija.