У першую ноч абвешчанага расійскім лідарам Пуціным аднабаковага трохдзённага перамір’я ў небе над Украінай няма ніводнага расійскага беспілотніка-камікадзэ. У той жа час украінскія крыніцы паведамляюць пра бомбавы ўдар па Сумскай вобласці, піша Бі-бі-сі.
Пра пуск расіянамі планіруючых бомбаў па Сумскай вобласці без чвэрці тры ночы паведамілі Паветраныя сілы УСУ. Няма і масіраваных налётаў украінскіх беспілотнікаў.
У папярэднія ночы ўкраінцы запускалі дзясяткі або нават сотні дронаў у кірунку Масквы і па цэлях у іншых рэгіёнах Расіі, але ў ноч на чацвер прыходзяць толькі непацверджаныя паведамленні пра асобныя дроны.
Так, у чатыры гадзіны ночы па мясцовым часе (другая гадзіна па Маскве і Кіеве) пра «небяспеку атакі беспілотных апаратаў» абвясцілі ўлады далёкай ад Украіны Арэнбургскай вобласці — але паведамленняў пра рэальны налёт або стральбу СПА з таго часу не паступала.
Акрамя таго, расійскі маніторынгавы тэлеграм-канал «Радар.ру Памежжа» сцвярджае, што адзін беспілотнік кружыў над Разанскай і Маскоўскай абласцямі. Расійскія тэлеграм-каналы паведамляюць са спасылкай на мясцовых жыхароў, што над Ліпецкам прагрымеў выбух, і мяркуюць, што над горадам быў збіты ўкраінскі беспілотнік.
Перад гэтым улады Ліпецкай вобласці абвясцілі паветраную трывогу.
Гэты выпадак мала змяняе агульную карціну гэтай ночы: над Украінай няма ўдарных беспілотнікаў увогуле, з Расіі прыходзяць паведамленні толькі пра адзінкавыя дроны, а не пра масіраваныя налёты.
Расавіяцыя абвясціла, што з паловы пятага раніцы па мясцовым часе зачыніла аэрапорт Ніжняга Ноўгарада.
Аэрапорт зачынены з звычайнай фармулёўкай «для забеспячэння бяспекі палётаў грамадзянскіх паветраных суднаў». Звычайна ў Расіі гэта робіцца пры пагрозе налёту ўкраінскіх дронаў.
Галыгіна прымусілі апраўдвацца за зварот да сілавікоў у 2020-м17
Каментары