Kadyraŭ taksama kiepska bačyć, ale nie nosić akulary. U kadr trapili papiery, ź jakich jon čytaŭ
Učora kiraŭnik Čačni Ramzan Kadyraŭ sustrakaŭsia z rasijskim prezidentam Uładzimiram Pucinym. Na videa sustrečy vidać, što Kadyraŭ uvieś dakład čytaje ź listoŭ papier, jakija trymaje ŭ rukach. Jak i Łukašenka, Kadyraŭ admaŭlajecca ad akularaŭ.
Tekst na papierach nabrany bujnym šryftam, zaŭvažyła «Ahientstvo». Tekst pačynajecca z zvarotu «Pavažany Uładzimir Uładzimiravič», jakoje Kadyraŭ taksama čytaje ź lista.
Sustreču Pucina i Kadyrava ŭ sieradu čakali ŭ suviazi sa zroblenaj dniom raniej zajavaj kiraŭnika Čačni ab jaho mahčymaj adstaŭcy. U pratakolnaj častcy sustrečy budučynia Kadyrava na pasadzie kiraŭnika rehijonu nie abmiarkoŭvałasia. Pry hetym kiraŭnik Čačni ŭ paście ab sustrečy ŭ svaim telehram-kanale adznačyŭ, što šerah važnych tem abmiarkoŭvalisia pa-za pratakołam, i «pa kožnym [pytańni Kadyraŭ] atrymaŭ poŭnaje razumieńnie i padtrymku».
Kamientary