Rasijskija vojski nanieśli ŭdar balistyčnymi rakietami pa porcie Adesy, u vyniku čaho zahinuŭ adzin čałaviek i jašče vosiem byli paranienyja. Pra heta paviedamiŭ kiraŭnik Adeskaj abłasnoj vajennaj administracyi Aleh Kipier. Pavodle jaho słoŭ, čaćviora paranienych znachodziacca ŭ ciažkim stanie.
Hety ŭdar adbyŭsia ŭ adkaz na samy maštabny za čas vajny nalot ukrainskich dronaŭ na terytoryju Rasii, jaki doŭžyŭsia z 20 pa 23 traŭnia. Rasijskaje Ministerstva abarony zajaŭlaje, što było źbita 756 dronaŭ. Pad ataki trapili 15 rasijskich rehijonaŭ i akupavany Krym.
Akramia rakiet, ranicaj 23 maja Rasija vykarystała suprać Adesy taksama drony-kamikadze, u vyniku čaho paciarpieli dva čałavieki i byŭ paškodžany pryvatny dom.
Taksama 23 maja rasijskija vojski atakavali Čuhujeŭ u Charkaŭskaj vobłaści. Pavodle miascovych uładaŭ, zahinuła adna žančyna.
Heta nie pieršy ŭdar pa Adeskim porcie — padobnaja ataka była i 11 sakavika, kali zahinuli čatyry členy ekipaža handlovaha sudna. Napad tady adbyŭsia na fonie pieramoŭ Ukrainy i ZŠA ŭ Saudaŭskaj Aravii, dzie Kijeŭ prapanoŭvaŭ pieramirje, ale Kreml nie padtrymaŭ hetuju inicyjatyvu.
Takija ŭdary pa cyvilnaj infrastruktury Ukrainy z boku Rasii adbyvajucca rehularna i nie zaŭsiody pryviazanyja da kankretnych padziej. Naprykład, 17 maja ŭ Sumskaj vobłaści dron udaryŭ pa maršrutcy, zahinuli 9 čałaviek. A 16 maja byli ataki na Charkaŭskuju, Chiersonskuju i Adeskuju vobłaści — zahinuli jak minimum dva čałavieki, 14 atrymali ranieńni.
Ciapier čytajuć
«Dźvie Biełarusi. Abiedźvie jeduć na aŭtobusach MAZ. Adzin narod — taki rozny los»9
Kamientary