«11 hadzin ciahnułasia naša pahłybleńnie adno ŭ adnaho». Biełarus raskazaŭ pra svoj najlepšy seks u žyćci
28-hadovy biełarus z Partuhalii Hierman Viarcinski padzialiŭsia, što niadaŭna ŭ jaho zdaryŭsia najlepšy seks u žyćci. «My byli Adamam i Jevaj, heta byŭ kancert seksualnaj enierhii!» — napisaŭ jon u Threads. Chłopiec raskazaŭ bolej pra svoj dośvied i toje, jak vyvučaŭ siabie.
Hierman Viarcinski. Fota: asabisty archiŭ
«Dziaŭčyna dała prastoru być saboj»
Jašče piać hadoŭ tamu Hiermanu było ciažka adkryta havaryć z partniorkami pra seks.
«Kali niama naturalnaha dyjałohu, zastajecca šmat nieparazumieńniaŭ. Heta jak kamiak, jaki raście ŭnutry. Maje pieršyja adnosiny skončylisia, kali źnik seksualny kantakt — a adnavić jaho biez razmovy było niemahčyma», — zhadvaje Hierman Viarcinski, były supracoŭnik kramy Symbal.by.
Paŭhoda tamu jahonaja byłaja dziaŭčyna zapytała: što jamu sapraŭdy padabajecca ŭ seksie? I jon zrazumieŭ, što sam dobra nie viedaje.
«Mnie było važna, kab jana atrymlivała asałodu — tady i ja adčuvaŭ siabie dobra. Ale što chaču ja sam? Na heta adkazu nie było. I ja pačaŭ vyvučać siabie. U 27 hadoŭ ja tolki pačaŭ razumieć svaje žadańni i fantazii. Vialikuju rolu ŭ hetym adyhrała dziaŭčyna, jakaja dała prastoru być saboj. Tamu ja i nazyvaju heta sapraŭdnym seksam — kali dumaješ nie tolki pra inšaha, ale i pra siabie».
«Kali mnie dobra, heta pieradajecca partniorcy. I tady ŭźnikaje sinierhija — kajf uzmacniajecca dla abaich», — kaža jon.
«Ciapier moj seks troški bolš «ahresiŭny», čym raniej»
Za hety pieryjad chłopiec vyvučyŭ siabie lepš. U tym liku praktykavaŭ tantru.
Z novaha, što adkryŭ dla siabie Hierman u seksie, — ahresija.
«Mnie ciažka było navat ujavić, što ja mahu zrabić niešta žorstkaje ci troški ahresiŭnaje. Navat, skažam, šlopnuć partniorku — heta vyklikała supraciŭ. Ale ja pastupova zrazumieŭ, što ŭ hetym jość peŭnaja siła, enierhija. I kali prajaŭlać heta arhanična, ekałahična, z dazvołu partniorki, heta stanovicca vielmi kaštoŭnym vopytam.
Mahčyma, ciapier moj seks troški bolš ahresiŭny, čym raniej, ale ŭ hetym jość zadavalnieńnie dla abaich.
Ja razumieju, što heta jašče nie niejkaja finalnaja kropka. Heta praces paznavańnia. I voś hetaja cienievaja častka mianie, jakuju ja raniej nie chacieŭ bačyć, ciapier adkryvajecca. I heta vielmi mocna. Asabliva, kali aboje partniory z hetym zhodnyja i zadavolenyja».
«Časta my dumajem, što seks — heta prosta pra fizičnuju blizkaść. Ale nasamreč — heta pra žyćcio, pra prysutnaść u momancie. My časta zahružajemsia dumkami pra minułaje ci budučyniu, ale sapraŭdny dośvied — tut i ciapier», — razvažaje chłopiec.
Niadaŭna ŭ Hiermana zdaryŭsia najlepšy seks u žyćci.
«My nie spali 11 hadzin, ale nie seks stolki doŭžyŭsia. Heta było pra sumiesny dośvied. Pra toje, jak vy pravodzicie čas razam, jak staviciesia adno da adnaho, jak kamunikujecie. I heta ŭsio — častka seksualnaści, praces».
«Hierman, ty a***nny! Ja dumała, takoje moža być tolki ŭ kino. U mianie takoha seksu nikoli nie było» — što ja rabiŭ u hety viečar. Što my rabili ŭ tuju noč! 11 hadzin doŭžyłasia naša padarožža z pahłybleńniami adno ŭ adnaho.
Ja daŭ sabie dazvoł i adčuŭ, što mahu być całkam saboj i rabić usio, što zachaču. Heta była biaskoncaja tantra pad muzyku. Heta byŭ kancert seksualnaj enierhii! — apisaŭ Hierman u Threads toj dośvied. — Usio źliłosia razam. Heta byŭ kancert dvuch boskich sutnaściaŭ pad boskuju muzyku pad Pink Fłojd. (…)
Ja byŭ roznym. Ja byŭ saboj. Maksimalna ščyrym. Ja mahu być dalikatnym i ahresiŭnym. Miakka hładzić nožku i prydušvać za horła. Z hałavoj apuskacca va ŭłońnie dziaŭčyny i hruba vadzić čelesam pa jaje vusnach».
«Chłopcam ciažej raźniavolicca, my bolš u kantroli»
Dla Hiermana važna, kab partniorka taksama była adkrytaj.
«Kali jana zakrytaja, kali pamiž nami niama hatoŭnaści da enierhaabmienu — heta ŭžo nie toje. Heta prosta techničny akt, a nie sapraŭdnaje zbližeńnie.
Ja sam čałaviek, jakomu nie zaŭsiody lohka raźniavolicca. I kali pobač partniorka, jakaja taksama napružanaja ci zakrytaja, — mnie budzie jašče ciažej. Ale kali ja baču, što dziaŭčyna adčuvaje svajo cieła, dazvalaje sabie być saboj, atrymlivać asałodu — heta vielmi natchniaje. Heta daje mnie prykład: «Kali jana moža, dyk čamu ja nie mahu?» Mnie zdajecca, što chłopcam u cełym ciažej raźniavolicca. My bolš u dumkach, u kantroli, u niaŭpeŭnienaści».
Dziaŭčatam važna adčuvać biaśpieku ŭ adnosinach, razvažaje chłopiec.
«I heta nie toje, što adbyvajecca imhnienna. Patrabuje času, davieru, asiarodździa, u jakim možna być saboj. Tamu dla mianie fraza «seks na hadzinu» nie maje sensu. Ja nie chaču hetaha, bo heta nie supadaje z maim razumieńniem intymnaści».
Tym, chto choča taksama daviedacca, što takoje «najlepšy seks u žyćci», Hierman raić pačynać z razmovy z partniorkaj ci partnioram.
«Samaje hałoŭnaje — asensavać, što ty chočaš niešta źmianić. Ja viedaju pa sabie: kali mnie raniej partniorka kazała, maŭlaŭ, «davaj pojdziem parazmaŭlajem» — ja nie adčuvaŭ takoj patreby. Tamu vielmi važna, kab heta pryjšło znutry.
Dalej možna pajści da psichołaha, na hrupavyja temy, na varkšop, na tantru. Instrumientaŭ šmat. Ale jany ŭsie druhasnyja paśla taho, jak ty dazvoliš sabie być ščyrym z saboj. Mnie nie padabajucca parady kštałtu: «Idzi da psichołaha — i ŭsio vyrašycca». Nie. Ty sam pavinien adčuć, što tabie pasuje».
Kamientary
usie hetyja "rabiŭ usio što chaču" namiakajuć na prychilnaść da vyčvareńniaŭ
niejkaja seksualnaja zakłapočannaść, połovyje iźlišiestva