Adbyłasia bieatyfikacyja katalikoŭ, achviaraŭ stalinskaha režymu
23 maja ŭ kaściole ŭ Sankt-Pieciarburhu adbyłasia bieatyfikacyja biskupa Antonija Maleckaha i dzieviaci paplečnikaŭ — katalickich novapakutnikaŭ Rasii XX stahodździa łacinskaha i ŭschodniaha abradaŭ.
Bolšaść ź ich tak ci inačaj źviazanyja ź Biełaruśsiu, piša katalicki telehram-kanał Sluchac hadko.
Bieatyfikacyja — heta stadyja, jakaja papiaredničaje pryznańniu śviatymi ŭ Katalickaj carkvie.
Usie hetyja ludzi byli represavanyja stalinskaj uładaj.
Biskup Antoni Malecki (1861-1935) pachodziŭ ź siamji pierasialencaŭ ź Biełarusi, u 1880-ch słužyŭ u Viciebsku i Miensku.
Biskup Karal Ślivoŭski (1855-1933) słužyŭ u 1880-ch u Sianno i Lepieli.
Ksiondz Kanstancin Budkievič (1867-1923) słužyŭ u 1896-1903 u Viciebsku.
Ksiondz Jan Trojha (1881-1932) ź biełaruskaj sialanskaj siamji Biełastoččyny. U 1900-ch słužyŭ i vykładaŭ u Mahilovie.
Ksiondz Antoni Dziamiaškievič (1891-1937) ź biełaruskaj sialanskaj siamji Aršanskaha pavietu, słužyŭ na Smalenščynie i Branščynie.
Ksiondz Francišak Budrys (1882-1937)
Ksiondz Anton Čarvinski (1881-1938)
Ksiondz Pavieł Chomič (1893-1942) ź biełaruskaj sialanskaj siamji z Vaŭkavysku, u Sankt-Pieciarburhskaj sieminaryi i akademii naležaŭ da biełaruskaha koła.
Manachinia Hanna Abrykosava (1882-1936).
Śvieckaja Kamiła Krušalnickaja (1892-1937), šlachcianka z Baranavičaŭ.
Kamientary
U toj śpis dobra b trapili katy pieraličanych achviar, jakija pracavali ŭ NKUS i inšych savieckich strukturach.
Pryznańnie "praklatym" sensu nie maje. Chto viedaje, moža čałaviek pakajaŭsia ŭ apošni momant, jak złodziej na kryžy. Z hetaj ža pryčyny spynili praktyku nie chavać samazabojcaŭ z usimi i nie malicca za ich - voś ich akurat kaliści ličyli takimi praklatymi i zahublenymi.