Pucin vystaviŭ Zachadu piać patrabavańniaŭ dla padpisańnia mirnaj damovy. Voś jany
Prezident Rasii Uładzimir Pucin vyłučyŭ šerah umoŭ dla zaviaršeńnia vajny va Ukrainie, piša Reuters.com.
Hetyja patrabavańni nastupnyja:
- piśmovaje abiacańnie ad zachodnich krain spynić pašyreńnie NATA na ŭschod, asabliva ŭklučeńnie Ukrainy, Hruzii i Małdovy;
- niejtralny status Ukrainy;
- častkovuju admienu zachodnich sankcyj suprać Rasii;
- viartańnie zamarožanych rasijskich suvierennych aktyvaŭ;
- abaronu pravoŭ rasijskamoŭnych hramadzian va Ukrainie.
Paśla dvuchhadzinnaj razmovy z prezidentam ZŠA Donaldam Trampam Pucin vykazaŭ hatoŭnaść pracavać nad miemarandumam, jaki vyznačyć asnoŭnyja pryncypy budučaha miru, uklučajučy terminy spynieńnia ahniu. Adnak Rasija pakul nie pradstaviła kankretny prajekt hetaha dakumienta.
Kijeŭ i jeŭrapiejskija ŭrady abvinavačvajuć Maskvu ŭ zatrymcy pieramoŭ, u toj čas jak rasijskija vojski praciahvajuć nastupleńnie na ŭschodzie Ukrainy.
Prezident Ukrainy Uładzimir Zialenski padkreśliŭ, što Kijeŭ nie moža pryniać umovy, jakija ŭklučajuć abmiežavańnie jaho prava na ŭstupleńnie ŭ NATA, i zaklikaŭ da trybunałaŭ dla adkaznych za złačynstvy suprać čałaviečnaści.
U toj čas, jak Tramp vykazaŭ hatoŭnaść da pieramoŭ, jon taksama papiaredziŭ Pucina ab mahčymych nastupstvach, kali toj budzie praciahvać admaŭlacca ad spynieńnia ahniu, nazyvajučy jaho dziejańni «hulnioj z ahniom».
Usie baki zastajucca na svaich pazicyjach, što ŭskładniaje pierśpiektyvy chutkaha dasiahnieńnia miru, reziumuje Reuters.com.
U toj ža čas źviartaje ŭvahu, što ŭ 2021 hodzie patrabavańni Maskvy byli bolš dalekasiažnymi. Jany ŭklučali ŭ siabie patrabavańni adnosna ŭschodniejeŭrapiejskich členaŭ NATA i faktyčnaje razzbrajeńnie Ukrainy. A ŭ 2022-m Rasija ažyćciaviła sprobu poŭnaha zachopu Ukrainy z vychadam u Prydniastroŭje. Adnak blickryh nie ŭdaŭsia, vajna ciahniecca ŭžo čaćviorty hod.
Ciapier čytajuć
Biełaruski IT-miljarder Hurski: Maju pieršuju žonku zabiŭ hiembler2
Kamientary
Najpadstupniejšy i niebiaśpiečniejšy punkt. Abarona pravoŭ "iazykich" pavodle biełaruskaha ŭzoru - heta ružovaja mara Kramla i harantyja prablem u budučyni.