Rasijskaha «hieroja SVA» ŭ Staŭrapali ŭzarvaŭ chłopiec, ź jakim jon paznajomiŭsia na resursie dla hiej-znajomstvaŭ
U rasijskim Staŭrapali ŭzarvali majora, jaki ŭ 2022 hodzie kaardynavaŭ bambiožki Maryupala. Na momant hibieli Zaur Hurcyjeŭ pracavaŭ pieršym namieśnikam kiraŭnika Staŭrapala. Jon staŭ im pa kvocie dla «vieteranaŭ śpiecapieracyi». Ciapier da jaho partreta dadalisia novyja rysy. Kanał «VČK-OHPU» raskazaŭ padrabiaznaści padryvu.
Pa infarmacyi kanała, Zaur Hurcyjeŭ paznajomiŭsia ź Mikitam Piańkovym na adnym z resursaŭ dla hiej-znajomstvaŭ.
U chodzie śledstva znojdziena adkrytaja pierapiska, dzie jany adpraŭlali adzin adnamu aholenyja fatahrafii i h. d. Namieśnik kiraŭnika horada raniej užo zaprašaŭ svajho novaha znajomaha dla sumiesnaha praviadzieńnia času, ale kožny raz sustreču davodziłasia admianiać z-za kamandzirovak Hurcyjeva.
Pra apošniaje miesca sustrečy Zaur Hurcyjeŭ i Mikita Piańkoŭ damovilisia zahadzia. Jak tolki jany zblizilisia, adbyŭsia vybuch. Pa papiarednich danych, vybuchoŭka była ŭ sumcy Mikity Piańkova. Unutry bomby byli paražalnyja elemienty-šaryki dla pnieŭmatyčnaj zbroi.
Adna viersija, što Piańkova nieviadomyja naniali dla zboru kampramatu na Hurcyjeva i zabiaśpiečyli «śpiectechnikaj», jakaja pieradaje «karcinku». U śpiectechniku była ŭmantavanaja vybuchoŭka.
Inšaja viersija, što Piańkoŭ uśviadomlena staŭ śmiarotnikam.
Łajalny rasijskim uładam kanał Mash pahavaryŭ z sužycielkaj Hurcyjeva Darjaj. Jana daviedałasia pra śmierć partniora tolki ranicaj z navin. Dziaŭčyna raskazała, što kala paŭnočy Zaur ustaŭ i raptam kudyści pajšoŭ, nie skazaŭšy joj ni słova. Pra znajomstva Zaura ź Mikitam Piańkovym jana ničoha nie viedaje — chłopiec ni razu nie byŭ u ich u haściach.
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary